Shyǵys Qazaqstan oblysynda 3800-den astam túlek mektep bitiredi
Mektepterdegi 9 jáne 11 synyptarǵa arnalǵan memlekettik emtihandar 2-19 maýsym aralyǵynda Bilim Ministrliginiń №125 buiryǵyna sáikes dástúrli formatta ótedi. Qazirgi ýaqytta emtihan tapsyrmalary ázirlenýde. «Altyn belgige» úmitkerler qujattarynyń talaptarǵa sáikestigi arnaiy komissiiamen tekserildi.
Densaýlyq jaǵdaiy jáne basqa da sebepter boiynsha emtihandardan bosatylǵan oqýshylardyń tizimide daiyndalýda.
Oblysta 8800-ge jýyq 9-synyp túlekteri bolsa, onyń 789-y erekshe úlgidegi attestatqa úmitker. Al, 11-synypty 3810 túlek aiaqtamaq, onyń ishinde, 281 oqýshy «Altyn belgige», 378 «Úzdik attestatqa» úmitker, - dedi ShQO bilim basqarmasynyń mektepke deiingi jalpy orta bilim berý bóliminiń basshysy Bulbul Qozybaeva. Sonymen qatar óńirde mektepke deiingi tárbie júiesinde 203 balabaqsha men 190 shaǵyn ortalyq jumys isteýde. Jazǵy kezeńde kezekshi toptardyń jumysy uiymdastyrylatyn bolady.
Onyń ishinde maýsym aiynda 169 balabaqshada 17829 balaǵa 677 top, shildede 122 balabaqshada 12944 balaǵa 477 top, tamyzda 114 balabaqshada 12321 balaǵa 466 top jumys istemek.
«Jazǵy demalyspen jáne saýyqtyrýmen 92 434, onyń ishinde kóp balaly jáne az qamtylǵan otbasylardan shyqqan balalardyń 100% qamtý josparlanýda. Oblysta aǵymdaǵy jyly 418 lager jumys istemek. Jazǵy saýyqtyrý lagerlerine qabyldaý 2023 jyldyń 24 sáýirinen bastaldy»,- dep atap ótti Dinara Shaýhina.
Shyǵys Qazaqstan oblysynda 1 sáýirden bastap balalardy 1-synypqa qabyldaý úshin tirkeý bastaldy. 1 tamyzǵa deiin jalǵaspaq.
3 mektepti kúrdeli jóndeý jáne 23 uiymdy aǵymdaǵy jóndeý josparlanǵan. Osy maqsattarǵa 1,1 mlrd. teńge qarastyrylǵan. Konkýrstyq rásimder aiaqtaldy. Jóndeý jumystary jańa oqý jyly bastalǵanǵa deiin demalys ýaqytynda júrgiziledi.
Tehnikalyq jáne kásiptik bilim berý júiesinde 41 kolledj jumys isteidi, onda 17727 stýdent oqidy. Aǵymdaǵy jyly 101 mamandyq boiynsha 4455 adam túlek atanbaq»,- dedi ShQO bilim basqarmasy basshysynyń orynbasary Dinara Shaýhina.
Sonymen qatar Bilim basqarmasy oqýshylardyń ziiatkerlik jáne shyǵarmashylyq qabiletterin anyqtaý jáne iske asyrý boiynsha arnaiy jumystar júrgizýde. Aǵymdaǵy oqý jylynda oqýshylar 51 medal jeńip aldy, onyń ishinde 1 gran-pri, 13 altyn, 36 kúmis jáne 31 qola. Oblys quramasy 2-7 synyp oqýshylaryna arnalǵan «Zerde» respýblikalyq zertteý jumystary men shyǵarmashylyq jobalar baiqaýynda I jalpykomandalyq orynǵa ie boldy. «Úzdik olimpiadalyq komanda» nominatsiiasy boiynsha diplommen marapattaldy. Jalpy bilim beretin pánder boiynsha respýblikalyq olimpiadada oblys «Úzdik olimpiadalyq komanda» nominatsiiasy boiynsha jalpy komandalyq ekinshi orynǵa ie boldy.
