Shyǵys Qazaqstan oblysy dári-dármek satyp alýdan biýdjettiń 1 mlrd. teńgesin únemdedi
Ol dári-dármekti satyp alýdyń ortalyqtandyrylǵan júiesiniń arqasynda ShQO Densaýlyq saqtaý basqarmasy 1 mlrd. teńgeni únemdegenin alǵa tartty. Jańa júieniń arqasynda oblystyq densaýlyq saqtaý basqarmasy óńirge qajetti dári-dármekti ardaǵy deldaldardan emes, birden óndirýshilerden satyp alyp, biýdjet qarjysyn únemdegen.
– Bizder biyldyń ózinde 401 dárini satyp alýymyz kerek bolatyn. Búginde sonyń 339-yn satyp alyp, josparymyzdy 85%-ǵa oryndadyq. Aldaǵy ýaqytta 62 dárini satyp alýymyz kerek. Satyp alynbaǵan dáriniń 10 túrin farmkmpaniialar bir qalypty tempertýrada arnaiy transporttyq tehnikalarmen jetkizýi tiis, – dedi basqarma basshy.
Jyl basynan beri elimizde onkologiialyq aýrýdyń 4-shi dárejesine shaldyqqan adamdarǵa beriletin preparattarǵa qol jetimdilik tómendegeni belgili. Buǵan qatysty basqarma basshysy:
– Búginde Shyǵys Qazaqstan oblysynda onkologiialyq aýyrýdyń eń qaterli túrine shaldyqqan 173 adam bar. Onyń 43-i narkotikalyq preparattarǵa táýeldi. Naýqastar ózderine qajetti dárilerdi jergilikti jerdegi narkologiialyq dispanserler men kúndizgi statsionarlardan alyp turdy. Qazirgi tańda bizder dári-dármektiń jetispeýshiligin joiý isimen ainalysyp jatyrmyz, – dedi Marat Shormanov.
Baspasz málsihatynda Marat Shormanov "SK-Farmatsiia" kompaniiasymen birlesip satyp alǵan 300 ampýl morfindi muqtaj jandarǵa taratyp jatqanyn da alǵa tartty. Osy rette ShQO Densaýlyq saqtaý basqarmasynyń basshysy "Himfarm" kompaniiasymen 5 myń dana tramadol ampýlsyn óńirge jetkizý týrsynda kelisim-shartqa qol qoiǵandaryn da tilge tiek etti. Óz kezeginde Marat Shormanov mundai jaǵdai tek qana Shyǵys Qazaqstan oblysynda emes, elimizdiń barlyq óńirinde beleń alǵanyn alǵa tartty.
