ول دارى-دارمەكتى ساتىپ الۋدىڭ ورتالىقتاندىرىلعان جۇيەسىنىڭ ارقاسىندا شقو دەنساۋلىق ساقتاۋ باسقارماسى 1 ملرد. تەڭگەنى ۇنەمدەگەنىن العا تارتتى. جاڭا جۇيەنىڭ ارقاسىندا وبلىستىق دەنساۋلىق ساقتاۋ باسقارماسى وڭىرگە قاجەتتى دارى-دارمەكتى ارداعى دەلدالداردان ەمەس، بىردەن وندىرۋشىلەردەن ساتىپ الىپ، بيۋدجەت قارجىسىن ۇنەمدەگەن.
– بىزدەر بيىلدىڭ وزىندە 401 ءدارىنى ساتىپ الۋىمىز كەرەك بولاتىن. بۇگىندە سونىڭ 339-ىن ساتىپ الىپ، جوسپارىمىزدى 85%-عا ورىندادىق. الداعى ۋاقىتتا 62 ءدارىنى ساتىپ الۋىمىز كەرەك. ساتىپ الىنباعان ءدارىنىڭ 10 ءتۇرىن فارمكمپانيالار ءبىر قالىپتى تەمپەرتۋرادا ارنايى ترانسپورتتىق تەحنيكالارمەن جەتكىزۋى ءتيىس، – دەدى باسقارما باسشى.
جىل باسىنان بەرى ەلىمىزدە ونكولوگيالىق اۋرۋدىڭ 4ء-شى دارەجەسىنە شالدىققان ادامدارعا بەرىلەتىن پرەپاراتتارعا قول جەتىمدىلىك تومەندەگەنى بەلگىلى. بۇعان قاتىستى باسقارما باسشىسى:
– بۇگىندە شىعىس قازاقستان وبلىسىندا ونكولوگيالىق اۋىرۋدىڭ ەڭ قاتەرلى تۇرىنە شالدىققان 173 ادام بار. ونىڭ 43ء-ى ناركوتيكالىق پرەپاراتتارعا تاۋەلدى. ناۋقاستار وزدەرىنە قاجەتتى دارىلەردى جەرگىلىكتى جەردەگى ناركولوگيالىق ديسپانسەرلەر مەن كۇندىزگى ستاسيونارلاردان الىپ تۇردى. قازىرگى تاڭدا بىزدەر دارى-دارمەكتىڭ جەتىسپەۋشىلىگىن جويۋ ىسىمەن اينالىسىپ جاتىرمىز، – دەدى مارات شورمانوۆ.
باسپاسز ءمالسيحاتىندا مارات شورمانوۆ "سك-فارماسيا" كومپانياسىمەن بىرلەسىپ ساتىپ العان 300 امپۋل ءمورفيندى مۇقتاج جاندارعا تاراتىپ جاتقانىن دا العا تارتتى. وسى رەتتە شقو دەنساۋلىق ساقتاۋ باسقارماسىنىڭ باسشىسى "حيمفارم" كومپانياسىمەن 5 مىڭ دانا ترامادول امپۋلسىن وڭىرگە جەتكىزۋ تۋرسىندا كەلىسىم-شارتقا قول قويعاندارىن دا تىلگە تيەك ەتتى. ءوز كەزەگىندە مارات شورمانوۆ مۇنداي جاعداي تەك قانا شىعىس قازاقستان وبلىسىندا ەمەس، ەلىمىزدىڭ بارلىق وڭىرىندە بەلەڭ العانىن العا تارتتى.
