Bul týraly SHQO Jumyspen qamtý jáne áleýmettik baǵdarlamalardy úılestirý basqarmasynyń basshysy Erbolat Oshaqbaev málimdedi.
Basqarma basshysynyń aıtýynsha, oblystyń barlyq qalalary men aýdandarynda qonys aýdarǵan azamattarǵa memlekettik qoldaý kórsetilip, otbasynyń ár múshesine kóshý, baspana jaldaý, komýnaldyq tólemder úshin sýbsıdıa túrinde materıaldyq kómek qarastyrylǵan.
Sondaı-aq, birden jumyspen qamtylady.
Keı qalalar men aýdandarda tegin baspana men jer telimderi, usaq múıizdi mal basy, odan bólek, óz kásibin ashýǵa da sýbsıdıa berilýi múmkin.
Osy múmkindikterdi Arys qalasynyń turǵyndaryna paıdalanýǵa bolady eken.
Esterińizge sala ketsek, Túrkistan oblysyndaǵy Arys qalasynda jarylys bolyp, tótenshe jaǵdaı jarıalandy. Qala turǵyndary kórshiles eldi mekenderge evakýasıalandy.
-Búgingi tańda osy maqsattarǵa bizge respýblıkalyq búdjetten 736 mıllıon teńge bólinip otyr. 1566 adamǵa kvota berilgen. 1528 bos oryn bar.
Eger Arys qalasynan SHQO-ǵa qonys aýdarýǵa nıet bildirgen azamattardyń sany arta tússe, respýblıkadan kvota sanyn kóbeıtýdi suraımyz.
Ondaı máseleler sheshýge bolady. Kez-kelgen ýaqytta arys qalasyna baryp, bos oryn qyzmetteriniń jármeńkesin uıymdastyrýǵa, jergilikti halyqpen túsindirý jumystaryn júrgizýge daıyn otyrmyz. 1000 adamdy qabyldaı alamyz, - deıdi Erbolat Oshaqbaev.
Kóship kelgen azamattar birden jumyspen qamtylady. Jalaqy mólsheri 80 myń teńgeden kem emes. Otbasyndaǵy balalar kezekten tys mektep pen balabaqshaǵa ornalastyrylyp, tegin tamaq jáne mektep formasy sekildi qajettiliktermen qamtamasyz etiledi. Qosymsha kómek retinde turǵyn úı berý, ony daıyndaý, jóndeý jumystaryn júrgizý, qoı-eshki sekildi usaq múıizdi mal berý qarastyrylǵan. Sonymen qatar, berilgen sýbsıdıadaǵy qarajatty jınap, qalaǵan baspanasyn satyp alý múmkindigi de bar.
-Ásirese, Altaı, Rıdder, Zaısan, Aıagóz qalalary men Jarma, Kókpekti aýdandarynda qonys aýdarýshylarǵa asa jaqsy jaǵdaı jasalýda, - deıdi basqarma basshysy.
Aımaqqa asa qajet mamandyqtar: agronom, pedagog, balabaqsha kútýshileri, medısınalyq qyzmetkerler, maral ósirýshi, júrgizýshiler (V, S, D kategorıalary boıynsha), horeografıa, án-kúı mamandary, ınformatıka, aǵylshyn tili, hımıa, bıologıa pánderiniń mamandary.
https://youtu.be/JhXYBCGjzkM
