Býrabai aýdandyq soty Shýchinsk qalasyndaǵy «Tsentr plova Loft» dámhanasynda bolǵan jarylysqa qatysty qylmystyq is boiynsha úkim shyǵardy. Apat saldarynan 12 adam qaza taýyp, 11 adam túrli jaraqat alǵan, dep habarlaidy dalanews.kz.
Sot sheshimimen:
Dámhanany jalǵa alǵan kásipker 7 jylǵa bas bostandyǵynan aiyryldy. Sondai-aq oǵan úsh jyl boiy qoǵamdyq tamaqtaný salasynda qyzmetpen ainalysýǵa tyiym salyndy.
Janarmai quiý stantsiiasynyń direktory da 7 jylǵa sottaldy.
Al gaz ballondaryn jetkizýmen ainalysqan azamat 6 jylǵa bas bostandyǵynan aiyryldy.
Sonymen qatar sot zardap shekkenderdiń azamattyq talap-aryzdaryn ishinara qanaǵattandyryp, árqaisyna 1 millionnan 4 million teńgege deiin ótemaqy tóleýdi mindettedi.
Qaiǵyly oqiǵa qalai bolǵan edi?
Eske salsaq, 2024 jylǵy 26 aqpannan 27 aqpanǵa qaraǵan túni Shýchinsk qalasyndaǵy dámhanada gaz ballony jarylǵan bolatyn. Alǵashynda alty adamnyń qaza tapqany habarlanǵan. Keiin kóz jumǵandar sany 12 adamǵa jetkeni belgili boldy. Jarylystan taǵy 11 adam zardap shekti.
