بۋراباي اۋداندىق سوتى ششۋچينسك قالاسىنداعى «تسەنتر پلوۆا Loft» دەمحاناسىندا بولعان جارىلىسقا قاتىستى قىلمىستىق ٸس بويىنشا ٷكٸم شىعاردى. اپات سالدارىنان 12 ادام قازا تاۋىپ, 11 ادام تٷرلٸ جاراقات العان, دەپ حابارلايدى dalanews.kz.
سوت شەشٸمٸمەن:
دەمحانانى جالعا العان كەسٸپكەر 7 جىلعا باس بوستاندىعىنان ايىرىلدى. سونداي-اق وعان ٷش جىل بويى قوعامدىق تاماقتانۋ سالاسىندا قىزمەتپەن اينالىسۋعا تىيىم سالىندى.
جانارماي قۇيۋ ستانتسيياسىنىڭ ديرەكتورى دا 7 جىلعا سوتتالدى.
ال گاز باللوندارىن جەتكٸزۋمەن اينالىسقان ازامات 6 جىلعا باس بوستاندىعىنان ايىرىلدى.
سونىمەن قاتار سوت زارداپ شەككەندەردٸڭ ازاماتتىق تالاپ-ارىزدارىن ٸشٸنارا قاناعاتتاندىرىپ, ەرقايسىنا 1 ميلليوننان 4 ميلليون تەڭگەگە دەيٸن ٶتەماقى تٶلەۋدٸ مٸندەتتەدٸ.
قايعىلى وقيعا قالاي بولعان ەدٸ?
ەسكە سالساق, 2024 جىلعى 26 اقپاننان 27 اقپانعا قاراعان تٷنٸ ششۋچينسك قالاسىنداعى دەمحانادا گاز باللونى جارىلعان بولاتىن. العاشىندا التى ادامنىڭ قازا تاپقانى حابارلانعان. كەيٸن كٶز جۇمعاندار سانى 12 ادامعا جەتكەنٸ بەلگٸلٸ بولدى. جارىلىستان تاعى 11 ادام زارداپ شەكتٸ.
