Astanada Ishki ister ministrligi Interpol Ulttyq ortalyq biýrosy men Bas prokýratýrasynyń aktivterdi qaitarý jónindegi komiteti arasynda yntymaqtastyq týraly memorandýmǵa qol qoiyldy, dep habarlaidy Dalanews.kz.
Polisia.kz málimetinshe, bul qadam ekonomikalyq qylmystarmen jáne aktivterdi zańsyz shyǵarýmen kúreste yntymaqtastyqty nyǵaitýǵa baǵyttalǵan.
Memorandým aiasynda taraptar birlesken bastamalardy iske asyrý, aktivterdi qaitarý jáne zańsyz qarjy operatsiialarynyń jolyn kesý salasyndaǵy aqparat pen tájiribe almasý úshin kúsh biriktirýge kelisti.
“Memorandým ashyqtyq pen ádildikti qamtamasyz etýge, sondai-aq zańsyz jolmen shyǵarylǵan aktivterdi qaitarý boiynsha jahandyq kúsh-jigerdi nyǵaitýǵa degen sheshimimizdi kórsetedi”, – dep atap ótti IIM Interpol UOB-nyń bastyǵy Merei Maquljan.
Mundai seriktestik halyqaralyq tergeýlerge qoldaý kórsetý jáne memleketter men olardyń azamattaryna tiesili qarajatty qaitarý arqyly ekonomikalyq qylmystarǵa neǵurlym jedel jáne tiimdi qarsy turýǵa múmkindik beredi.
Ózara kómek týraly memorandým eldiń ekonomikalyq qaýipsizdigin qamtamasyz etýge bailanysty ortaq mindetterdi sheshý úshin uzaq merzimdi yntymaqtastyq pen turaqty platforma qurýǵa negiz qalaidy.
