Burynǵy Ádilet ministri Marat Beketaevty qamaýda ustaý merzimi taǵy da uzartyldy, dep habaralaidy Dalanews.kz.
Kelesi sot 21 maýsymǵa belgilendi. Bul aqparatty Astana soty rastady.
"Astana qalalyq mamandandyrylǵan aýdanaralyq tergeý soty kúdikti M.Beketaevty qamaýda ustaý merzimin 2024 jylǵy 21 maýsymǵa deiin uzartty", – delingen habarlamada.
Osynyń aldynda eks-ministrdi qamaýda ustaý merzimi 2024 jyldyń 21 qańtaryna deiin uzartylǵan bolatyn.
Eske salaiyq, burynǵy ádilet ministri 2023 jyly 21 qazan kúni ustalǵan. Oǵan "úlesker kompaniianyń múddesin qoldap, memleketke úlken kólemde shyǵyn keltirdi" degen aiyp taǵylǵan. Ol "Memleket basshysynyń zańsyz shyǵarylǵan aktivterdi izdeý jáne qaitarý jónindegi tapsyrmasyn oryndaý sheńberinde laýazymdyq ókilettikterin asyra paidalandy" degen kúdikke ilingen.
Al 23 qazanda sybailas jemqorlyqqa qarsy is-qimyl agenttigi burynǵy Ádilet ministri Marat Beketaevtyń ustalǵanyn rastaǵan.
"Ustalǵan adamnyń burynǵy ádilet ministri M. Beketaev ekenin rastaimyz. Qazirgi ýaqytta kúdikti sottyń sanktsiiasymen qamaýǵa alyndy. Tergeý múddesine orai ózge aqparat jariia etýge jatpaidy", – dep jazylǵan bolatyn habarlamada.
Burynǵy Ádilet ministri Marat Beketaev ustaldy. 21 qazan kúni QR Sybailas jemqorlyqqa qarsy is-qimyl agenttigi eks-ministrdiń ustalǵanyn habarlap, aty-jónin atamaǵan. Eki kúnnen keiin onyń Marat Beketaev ekeni rastaldy.
"Ol talap etilmeitin qyzmetke jyl saiynǵy kelisimshart jasaý arqyly úlestes kompaniianyń múddesin qorǵap, memleketke úlken ziian keltirdi. Aktivterdi qaitarý boiynsha jumys jalǵasyp jatyr. Qylmystyq-protsestik kodekstiń 201-babyna sáikes ózge aqparat jariialanbaidy", – dep málimdedi QR Sybailas jemqorlyqqa qarsy is-qimyl agenttiginiń resmi ókili Arman Álibek.
Áýelgide kýáger retinde, keiinnen kúdikti retinde uzaq ýaqyt boiy tergeýde bolǵan Marat Baqytjanuly elden ketpeý týraly qolhatpen bostandyqta júrgen. BAQ onyń áýejaiǵa jasyrynyp kelip, "Astana-Ystambul-London" baǵytynda bilet satyp almaqshy bolǵan áreketi kezinde tutylǵanyn habarlady.
