بۇرىنعى ادىلەت ءمينيسترى مارات بەكەتايەۆتى قاماۋدا ۇستاۋ مەرزىمى تاعى دا ۇزارتىلدى، دەپ حابارالايدى Dalanews.kz.
كەلەسى سوت 21 ماۋسىمعا بەلگىلەندى. بۇل اقپاراتتى استانا سوتى راستادى.
"استانا قالالىق مامانداندىرىلعان اۋدانارالىق تەرگەۋ سوتى كۇدىكتى م.بەكەتايەۆتى قاماۋدا ۇستاۋ مەرزىمىن 2024 جىلعى 21 ماۋسىمعا دەيىن ۇزارتتى"، – دەلىنگەن حابارلامادا.
وسىنىڭ الدىندا ەكس-مينيستردى قاماۋدا ۇستاۋ مەرزىمى 2024 جىلدىڭ 21 قاڭتارىنا دەيىن ۇزارتىلعان بولاتىن.
ەسكە سالايىق، بۇرىنعى ادىلەت ءمينيسترى 2023 جىلى 21 قازان كۇنى ۇستالعان. وعان "ۇلەسكەر كومپانيانىڭ مۇددەسىن قولداپ، مەملەكەتكە ۇلكەن كولەمدە شىعىن كەلتىردى" دەگەن ايىپ تاعىلعان. ول "مەملەكەت باسشىسىنىڭ زاڭسىز شىعارىلعان اكتيۆتەردى ىزدەۋ جانە قايتارۋ جونىندەگى تاپسىرماسىن ورىنداۋ شەڭبەرىندە لاۋازىمدىق وكىلەتتىكتەرىن اسىرا پايدالاندى" دەگەن كۇدىككە ىلىنگەن.
ال 23 قازاندا سىبايلاس جەمقورلىققا قارسى ءىس-قيمىل اگەنتتىگى بۇرىنعى ادىلەت ءمينيسترى مارات بەكەتايەۆتىڭ ۇستالعانىن راستاعان.
"ۇستالعان ادامنىڭ بۇرىنعى ادىلەت ءمينيسترى م. بەكەتايەۆ ەكەنىن راستايمىز. قازىرگى ۋاقىتتا كۇدىكتى سوتتىڭ سانكسياسىمەن قاماۋعا الىندى. تەرگەۋ مۇددەسىنە وراي وزگە اقپارات جاريا ەتۋگە جاتپايدى"، – دەپ جازىلعان بولاتىن حابارلامادا.
بۇرىنعى ادىلەت ءمينيسترى مارات بەكەتايەۆ ۇستالدى. 21 قازان كۇنى ق ر سىبايلاس جەمقورلىققا قارسى ءىس-قيمىل اگەنتتىگى ەكس-مينيستردىڭ ۇستالعانىن حابارلاپ، ءاتى-جونىن اتاماعان. ەكى كۇننەن كەيىن ونىڭ مارات بەكەتايەۆ ەكەنى راستالدى.
"ول تالاپ ەتىلمەيتىن قىزمەتكە جىل سايىنعى كەلىسىمشارت جاساۋ ارقىلى ۇلەستەس كومپانيانىڭ مۇددەسىن قورعاپ، مەملەكەتكە ۇلكەن زيان كەلتىردى. اكتيۆتەردى قايتارۋ بويىنشا جۇمىس جالعاسىپ جاتىر. قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريالانبايدى"، – دەپ مالىمدەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان الىبەك.
اۋەلگىدە كۋاگەر رەتىندە، كەيىننەن كۇدىكتى رەتىندە ۇزاق ۋاقىت بويى تەرگەۋدە بولعان مارات باقىتجان ۇلى ەلدەن كەتپەۋ تۋرالى قولحاتپەن بوستاندىقتا جۇرگەن. ب ا ق ونىڭ اۋەجايعا جاسىرىنىپ كەلىپ، "استانا-ىستامبۇل-لوندون" باعىتىندا بيلەت ساتىپ الماقشى بولعان ارەكەتى كەزىندە تۇتىلعانىن حابارلادى.
