Shetelderdegi Abai ortalyqtary
Hanoi ulttyq pedagogikalyq ýniversitetiniń rektory Ngýen Van Min óziniń quttyqtaý sózinde bul ortalyqtyń ashylýy eki el arasyndaǵy qatynastardyń nyǵaiýyna, vetnamdyqtardyń qazaq halqynyń mádenietimen tereń tanysýyna yqpal etetinin aitqan bolatyn. Hakim Abaidyń: «Basqa eldiń tili men mádenietin úirengen adam sol halyqpen teń dárejede bolady» degen sózi osy saltanatty jiynnyń leitmotivine ainaldy.
Al 2013 jyly qazan aiynda Hoshimin pedagogikalyq ýniversitetinde ashylǵan Abai atyndaǵy Qazaqstan-Vetnam mádeni-bilim berý ortalyǵy da eki el arasyndaǵy rýhani bailanysty kúsheitýge yqpal etti. Osy ortalyqtyń ashylý saltanatynda Hashimin ýniversitetiniń halyqaralyq bailanystar jónindegi prorektory Ngýen Hang Abaidyń «Tolyq adam» ilimi boiynsha birlesken onlain konferentsiialar ótkizip turýdy usynǵan edi. Osynyń nátijesinde Vetnam stýdentterine Abai muralaryn nasihattaýda aýqymdy jumystar atqaryldy.
Qytai Halyq Respýblikasynyń Ile pedagogikalyq ýniversiteninde, Túrkiianyń Erzinjan ýniversiteninde Máskeý memlekettik qalalyq ýniversitetinde QazUPÝ-diń bastamasymen ashylǵan Abai ortalyqtary ǵulama oishyldyń shyǵarmalaryn shetelderde nasihattaýǵa zor úles qosyp otyr. Tashkenttiń Nizami atyndaǵy ulttyq pedagogikalyq ýniversitetimen osy oqý ornynda Abai ortalyǵyn ashý týraly kelisim-shartqa qol qoiyldy. Qazaq ulttyq pedagogikalyq ýniversiteti endi ózi áriptestik bailanysta jumys istep otyrǵan Eýrapa memleketteri ýniversitetterinde de Abai ortalyqtaryn ashýǵa ynta bildirýde.
Bul ortalyqtar, birinshiden, Abai atyndaǵy QazUPÝ-diń halyqaralyq bedelin kóterýge, bakalavrlardy, magistranttardy, doktoranttardy daiarlaý salasyndaǵy yntymaqtastyqty damytýǵa, oqytýshylardyń, stýdentterdiń, magistranttar men doktornattardyń akdemiialyq utqyrlyǵyn úilestirýge, ekinshiden, birlesken ǵylymi jobalardy uiymdastyrýǵa, úshinshiden, Hakim Abaidyń rýhani muralaryn shetelderde nasihattaýǵa yqpal etýde.
Myrzahan Ahmetov, Abai atyndaǵy Qazaq ulttyq pedagogikalyq ýniversiteti Baspasóz ortalyǵynyń qyzmetkeri.
