شەتەلدەردەگٸ اباي ورتالىقتارى
حانوي ۇلتتىق پەداگوگيكالىق ۋنيۆەرسيتەتٸنٸڭ رەكتورى نگۋەن ۆان مين ٶزٸنٸڭ قۇتتىقتاۋ سٶزٸندە بۇل ورتالىقتىڭ اشىلۋى ەكٸ ەل اراسىنداعى قاتىناستاردىڭ نىعايۋىنا, ۆەتنامدىقتاردىڭ قازاق حالقىنىڭ مەدەنيەتٸمەن تەرەڭ تانىسۋىنا ىقپال ەتەتٸنٸن ايتقان بولاتىن. حاكٸم ابايدىڭ: «باسقا ەلدٸڭ تٸلٸ مەن مەدەنيەتٸن ٷيرەنگەن ادام سول حالىقپەن تەڭ دەرەجەدە بولادى» دەگەن سٶزٸ وسى سالتاناتتى جيىننىڭ لەيتموتيۆٸنە اينالدى.
ال 2013 جىلى قازان ايىندا حوشيمين پەداگوگيكالىق ۋنيۆەرسيتەتٸندە اشىلعان اباي اتىنداعى قازاقستان-ۆەتنام مەدەني-بٸلٸم بەرۋ ورتالىعى دا ەكٸ ەل اراسىنداعى رۋحاني بايلانىستى كٷشەيتۋگە ىقپال ەتتٸ. وسى ورتالىقتىڭ اشىلۋ سالتاناتىندا حاشيمين ۋنيۆەرسيتەتٸنٸڭ حالىقارالىق بايلانىستار جٶنٸندەگٸ پرورەكتورى نگۋەن حانگ ابايدىڭ «تولىق ادام» ٸلٸمٸ بويىنشا بٸرلەسكەن ونلاين كونفەرەنتسييالار ٶتكٸزٸپ تۇرۋدى ۇسىنعان ەدٸ. وسىنىڭ نەتيجەسٸندە ۆەتنام ستۋدەنتتەرٸنە اباي مۇرالارىن ناسيحاتتاۋدا اۋقىمدى جۇمىستار اتقارىلدى.
قىتاي حالىق رەسپۋبليكاسىنىڭ ٸلە پەداگوگيكالىق ۋنيۆەرسيتەنٸندە, تٷركييانىڭ ەرزينجان ۋنيۆەرسيتەنٸندە مەسكەۋ مەملەكەتتٸك قالالىق ۋنيۆەرسيتەتٸندە قازۇپۋ-دٸڭ باستاماسىمەن اشىلعان اباي ورتالىقتارى عۇلاما ويشىلدىڭ شىعارمالارىن شەتەلدەردە ناسيحاتتاۋعا زور ٷلەس قوسىپ وتىر. تاشكەنتتٸڭ نيزامي اتىنداعى ۇلتتىق پەداگوگيكالىق ۋنيۆەرسيتەتٸمەن وسى وقۋ ورنىندا اباي ورتالىعىن اشۋ تۋرالى كەلٸسٸم-شارتقا قول قويىلدى. قازاق ۇلتتىق پەداگوگيكالىق ۋنيۆەرسيتەتٸ ەندٸ ٶزٸ ەرٸپتەستٸك بايلانىستا جۇمىس ٸستەپ وتىرعان ەۋراپا مەملەكەتتەرٸ ۋنيۆەرسيتەتتەرٸندە دە اباي ورتالىقتارىن اشۋعا ىنتا بٸلدٸرۋدە.
بۇل ورتالىقتار, بٸرٸنشٸدەن, اباي اتىنداعى قازۇپۋ-دٸڭ حالىقارالىق بەدەلٸن كٶتەرۋگە, باكالاۆرلاردى, ماگيسترانتتاردى, دوكتورانتتاردى دايارلاۋ سالاسىنداعى ىنتىماقتاستىقتى دامىتۋعا, وقىتۋشىلاردىڭ, ستۋدەنتتەردٸڭ, ماگيسترانتتار مەن دوكتورناتتاردىڭ اكدەمييالىق ۇتقىرلىعىن ٷيلەستٸرۋگە, ەكٸنشٸدەن, بٸرلەسكەن عىلىمي جوبالاردى ۇيىمداستىرۋعا, ٷشٸنشٸدەن, حاكٸم ابايدىڭ رۋحاني مۇرالارىن شەتەلدەردە ناسيحاتتاۋعا ىقپال ەتۋدە.
مىرزاحان احمەتوۆ, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ باسپاسٶز ورتالىعىنىڭ قىزمەتكەرٸ.
