Búgin «Halyqaralyq baǵdarlamalar ortalyǵy» AQ men «IDP IELTS Kazakhstan» emtıhan ortalyǵy arasynda yntymaqtastyq týraly memorandýmǵa qol qoıyldy. Kezdesý barysynda taraptar bilim berý jáne yntymaqtastyq salalaryndaǵy ózara is-qımyl múmkindikterin saralady, – dep habarlaıdy Dalanews.kz.

Kelisimge «Halyqaralyq baǵdarlamalar ortalyǵy» AQ Basqarma tóraǵasy Oljas Sákenov pen IELTS dırektory Maııa Rahymbekova qol qoıdy.

– Qazir Memleket basshysy Qasym-Jomart Toqaev "Bolashaq" stıpendıasyn reformalaýǵa qatysty tapsyrmasyn oryndaý baǵytynda jumystar júrip jatyr. Aldaǵy ýaqytta "Bolashaq" stıpendıasyn ulttyq jáne jahandyq deńgeıdegi syn-qaterlergen jáne el ekonomıkasyn damytý basymdyq berýi tıis. Sonymen qatar elimiz úshin shetelde kadrlar daıarlaý tetikterin odan ári jetildirý jónindegi sharalar ázirlep jatyrymyz, – dedi Oljas Sákenov.

Kelisim jasasýdyń negizgi maqsaty «IDP IELTS Kazakhstan» men «Halyqaralyq baǵdarlamalar ortalyǵy» AQ «Bolashaq» kandıdattaryna testke turaqty negizde, sondaı-aq joǵary suranys kezeńinde kvotalar berýge daıyn bolýy shart.

Sondaı-aq, taraptar ózara is-qımyl josparyn odan ári nyǵaıtýǵa, onyń ishinde uzaq merzimdi jáne jemisti yntymaqtastyqty arttyrýdy kózdeıdi.