Aitbek Amangeldi birneshe kún buryn Sherzattyń týǵan-týystarymen kezdeskenin aitty. Kezdesýde Sherzattyń ájesi Gúlbar men taǵy bir belgisiz áiel bolǵan. Advokattar sot jaqyndap qalǵandyqtan, jábirlenýshilerdi jaýap alýǵa daiyndaý kerek dep sheshken.
"Osy kezdesýden keiin eki saǵattan soń maǵan Qarjaýbai jazdy. Ol maǵan bizdiń advokattardyń bárinen senimhatty qaitaryp alatynyn aitty. Basqa advokattardy tappaq. Biz reaktsiia bildirmedik. Sebebi Qarjaýbaidyń minezin bilemiz. Ne bolatynyn kóremiz. Jańa aqparattarǵa qaraǵanda, iske jańa bes advokat kirisedi. Bizdiń tarapymyzdan ne bolamyz degen suraq týyndap tur", – deidi ol.
Jýyrda qylmystyq isti tergeý aiaqtalǵany habarlanǵan edi. Tergeý materialdarynyń jalpy kólemi - 62 tom. Onyń ishinde barlyq jinalǵan dálel, saraptama qorytyndylary, jaýap alý hattamalary jáne basqa da mańyzdy materialdar bar.
Tergeýdiń barysy jáne protsess qatysýshylarynyń konstitýtsiialyq quqyqtarynyń saqtalýy prokýratýra organdarynyń baqylaýynda bolǵan.
Eske salaiyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵasy Nurqanat Ǵaiypbaev ta óli tabyldy.
