Bul týraly ol Jemqorlyqqa qarsy agenttiktiń Facebook-te ótken tikelei efirinde aitty.
"Memqyzmette júrip adam óziniń júris-turysyn shekteidi. Korrýptsiia barlyq elde bar. Sheneýnikti eki shoqyp, bir qaraý qajet. Bulardyń deklaratsiiasyn qarar bolsańyz, ne kóligi, ne úii joq.
Kópshiligi dúnie-múlkin áieliniń atyna tirkep qoiady. Belgili bir qyzmetke kelerdiń aldynda ádeiilep áielimen ajyrasatyn sheneýnikter de joq emes.
Biz internet dáýirindemiz. Eldiń kózinen eshteńe jasyra almaisyz. Saǵan tiesili dúnie báribir jarq etip shyǵady", – deidi saiasattanýshy.
Aitýynsha sheneýnikterdiń tabys týraly deklaratsiiasy jurtshylyq jii paidalanatyn platformalarda jariialanýy kerek.
"Memqyzmetke keldiń be, ashyq derekkózderde, saittarda qansha tabys tapqanyńdy kórset. Ákimder de qyzmetine kirispei tura, óziniń dúnie-múlki týraly jurtqa ashyq málimet bergeni jón. Jurttan jasyraryń joq bolsa, nesine qysylasyń?
Ekinshi másele - bul qyzmetke nege keldiń? Ákim men ministrler qyzmetke taǵaiyndalarda, daiyn josparmen kelýi qajet. Aitalyq, eki jylda ne bitirem dep. Qansha mektep, qansha aýrýhana salamyn, qansha kópir turǵyzamyn degen daiyn jospary bolýy tiis. Bul onyń mindeti! Bizge osyndai mádenietti qalyptastyrý qajet. Áitpese keibir ákimderdiń ne bitirip otyrǵany belgisiz, tipti túrin de bilmeimiz. Eger naqty jumys jobasy bolsa, muny halyq ta baǵalar edi", – deidi Aidos Sarym.
