بۇل تۋرالى ول جەمقورلىققا قارسى اگەنتتٸكتٸڭ Facebook-تە ٶتكەن تٸكەلەي ەفيرٸندە ايتتى.
"مەمقىزمەتتە جٷرٸپ ادام ٶزٸنٸڭ جٷرٸس-تۇرىسىن شەكتەيدٸ. كوررۋپتسييا بارلىق ەلدە بار. شەنەۋنٸكتٸ ەكٸ شوقىپ, بٸر قاراۋ قاجەت. بۇلاردىڭ دەكلاراتسيياسىن قارار بولساڭىز, نە كٶلٸگٸ, نە ٷيٸ جوق.
كٶپشٸلٸگٸ دٷنيە-مٷلكٸن ەيەلٸنٸڭ اتىنا تٸركەپ قويادى. بەلگٸلٸ بٸر قىزمەتكە كەلەردٸڭ الدىندا ەدەيٸلەپ ەيەلٸمەن اجىراساتىن شەنەۋنٸكتەر دە جوق ەمەس.
بٸز ينتەرنەت دەۋٸرٸندەمٸز. ەلدٸڭ كٶزٸنەن ەشتەڭە جاسىرا المايسىز. ساعان تيەسٸلٸ دٷنيە بەرٸبٸر جارق ەتٸپ شىعادى", – دەيدٸ ساياساتتانۋشى.
ايتۋىنشا شەنەۋنٸكتەردٸڭ تابىس تۋرالى دەكلاراتسيياسى جۇرتشىلىق جيٸ پايدالاناتىن پلاتفورمالاردا جارييالانۋى كەرەك.
"مەمقىزمەتكە كەلدٸڭ بە, اشىق دەرەككٶزدەردە, سايتتاردا قانشا تابىس تاپقانىڭدى كٶرسەت. ەكٸمدەر دە قىزمەتٸنە كٸرٸسپەي تۇرا, ٶزٸنٸڭ دٷنيە-مٷلكٸ تۋرالى جۇرتقا اشىق مەلٸمەت بەرگەنٸ جٶن. جۇرتتان جاسىرارىڭ جوق بولسا, نەسٸنە قىسىلاسىڭ?
ەكٸنشٸ مەسەلە - بۇل قىزمەتكە نەگە كەلدٸڭ? ەكٸم مەن مينيسترلەر قىزمەتكە تاعايىندالاردا, دايىن جوسپارمەن كەلۋٸ قاجەت. ايتالىق, ەكٸ جىلدا نە بٸتٸرەم دەپ. قانشا مەكتەپ, قانشا اۋرۋحانا سالامىن, قانشا كٶپٸر تۇرعىزامىن دەگەن دايىن جوسپارى بولۋى تيٸس. بۇل ونىڭ مٸندەتٸ! بٸزگە وسىنداي مەدەنيەتتٸ قالىپتاستىرۋ قاجەت. ەيتپەسە كەيبٸر ەكٸمدەردٸڭ نە بٸتٸرٸپ وتىرعانى بەلگٸسٸز, تٸپتٸ تٷرٸن دە بٸلمەيمٸز. ەگەر ناقتى جۇمىس جوباسى بولسا, مۇنى حالىق تا باعالار ەدٸ", – دەيدٸ ايدوس سارىم.
