Oralda memlekettik turǵyn úi qorynan páter berý máselesi boiynsha daý shyqty, dep habarlaidy Dalanews.kz.
"Oral aptalyǵy" portalynyń málimetinshe, 2023 jyldyń 13 shildesinde Almira Qarasaevanyń Stroitel mikroaýdanyndaǵy 39/3 mekenjaiynda ornalasqan bir bólmeli páterdi alý jaily ótinishi 6 kúnde qaralǵan.
Ol ádilet basqarmasynyń qyzmetkeri, ári sol ýaqytta TKSh sektoryn basqarǵan Alihan Myńjasarovpen erli-zaiypty ekeni anyqtaldy.
Ádette úi alý úshin azamattar birneshe ai boiy júredi. Resmi málimetterge sáikes, qazir Oralda turǵyn úi kezeginde 21 myńnan astam adam tur. Sonyń ishinde áleýmettik jaǵdaiy tómen adamdar, kópbalaly otbasylar men balalar úii tárbielenýshileri de bar.
Al Almira Qarasaevanyń ótinishi 6 kúnde – 2023 jyldyń 19 shildesinde qaraldy. Ótinishke sol kezdegi TKSh bóliminiń jetekshisi Azamat Halelov qol qoidy.
Al kelisimdi Ákimniń orynbasary Jandos Dúisenǵaliev bekitti. Al ótinishti oryndaýshy sol ýaqytta TKSh sektoryn basqaryp otyrǵan Alihan Myńjasarov bolǵan, ol Almira Qarasaevanyń zańdy jubaiy edi.
Ol ótinishke óziniń jubaiy jaily aqparat qospapty.
Almira Qarasaeva qazirgi ýaqytta Alihan Myńjasarovpen ajyrasqanyn habarlady.
