ورالدا مەملەكەتتىك تۇرعىن ءۇي قورىنان پاتەر بەرۋ ماسەلەسى بويىنشا داۋ شىقتى، دەپ حابارلايدى Dalanews.kz.
"ورال اپتالىعى" پورتالىنىڭ مالىمەتىنشە، 2023 جىلدىڭ 13 شىلدەسىندە الميرا قاراسايەۆانىڭ سترويتەل ميكرواۋدانىنداعى 39/3 مەكەنجايىندا ورنالاسقان ءبىر بولمەلى پاتەردى الۋ جايلى ءوتىنىشى 6 كۇندە قارالعان.
ول ادىلەت باسقارماسىنىڭ قىزمەتكەرى، ءارى سول ۋاقىتتا تكش سەكتورىن باسقارعان اليحان مىڭجاساروۆپەن ەرلى-زايىپتى ەكەنى انىقتالدى.
ادەتتە ءۇي الۋ ءۇشىن ازاماتتار بىرنەشە اي بويى جۇرەدى. رەسمي مالىمەتتەرگە سايكەس، ءقازىر ورالدا تۇرعىن ءۇي كەزەگىندە 21 مىڭنان استام ادام تۇر. سونىڭ ىشىندە الەۋمەتتىك جاعدايى تومەن ادامدار، كوپبالالى وتباسىلار مەن بالالار ءۇيى تاربيەلەنۋشىلەرى دە بار.
ال الميرا قاراسايەۆانىڭ ءوتىنىشى 6 كۇندە – 2023 جىلدىڭ 19 شىلدەسىندە قارالدى. وتىنىشكە سول كەزدەگى تكش ءبولىمىنىڭ جەتەكشىسى ازامات حالەلوۆ قول قويدى.
ال كەلىسىمدى اكىمنىڭ ورىنباسارى جاندوس دۇيسەنعالييەۆ بەكىتتى. ال ءوتىنىشتى ورىنداۋشى سول ۋاقىتتا تكش سەكتورىن باسقارىپ وتىرعان اليحان مىڭجاساروۆ بولعان، ول الميرا قاراسايەۆانىڭ زاڭدى جۇبايى ەدى.
ول وتىنىشكە ءوزىنىڭ جۇبايى جايلى اقپارات قوسپاپتى.
الميرا قاراسايەۆا قازىرگى ۋاقىتتا اليحان مىڭجاساروۆپەن اجىراسقانىن حابارلادى.
