Aqmola oblysynda 300 mln teńgeden astam qarajatty jymqyrǵany úshin Atbasar aýdanynyń ákimdigine qarasty qurylys bólimi, «Prestij Stroi 7» jáne «Fýndamental» JShS-niń basshylaryna qatysty sotqa deiingi tergep-tekserý aiaqtaldy, dep habarlaidy Dalanews.kz.
Aqparatqa sáies, atalǵan qarajat 2021 jyly Úkimet rezervinen Atbasar aýdanynda sý tasqyny aimaǵynda turatyn 200 januiany kóshirý úshin eki 100 páterli úidi salýǵabólingen.
"Kúdiktilerdiń áreketi asa iri kólemde jymqyrý – talan-tarajǵa salý (QR QK 189 baby 4 bóligi) boiynsha saralandy. Kórsetilgen bap boiynsha múlkin tárkileýmen qosa 12 jylǵa deiin bas bostandyǵynan aiyrý jazasy kózdelgen", – delingen prokýratýra habarlamasynda.
Eki kúdikti sot sanktsiiasymen kúzetpen ustaýǵa, al úshinshi adam úiqamaqqa alyndy.
"Tergeý barysynda qylmystyq jolmen alynǵan múlik – Almaty, Astana qalalarynda kommertsiialyq jyljymaityn múlik, arnaiy tehnika, qurylys qurylǵylar jáne banktyq shottarda 50 mln teńgeden astam qarajat tabyldy. Buǵattalǵan múliktiń baǵalanǵan qundylyǵy 335 mln teńgeden asty. Atalǵan múliktiń bir bóligi jalǵa berilip, qylmystyq paida túsirilgeni anyqtaldy", – delingen habarlamada.
Sol sebepti, bir kúdiktiniń áreketi qylmystyq jolmen alynǵan aqshany jáne ózge múlikti zańdastyrý (jylystatý), iaǵni QR QK 218 baby 3 bóligi boiynsha qosymsha saralandy. Bul úshin múlkin tárkileýmen qosa 10 jylǵa deiin bas bostandyǵynan aiyrý jazasy kózdelgen.
Qazir kúdiktiler qylmystyq is materialdarymen tanysyp jatyr.
