Shendi 100 million teńge paranyń sońǵy 25 millionyn alyp jatqanda ustaldy (video)
"13 shildede Sybailas jemqorlyqqa qarsy is-qimyl ulttyq biýrosynyń Batys Qazaqstan oblysy boiynsha departamentiniń qyzmetkerleri jalǵan kásipkerlik boiynsha qylmystyq isti toqtatý jáne ary qarai qoldaý kórsetý úshin 25 million teńge kóleminde paranyń sońǵy bóligin alý kezinde BQO boiynsha MKD ETQ Qarjylyq saladaǵy quqyq buzýshylyqtardy tergeý basqarmasynyń zańsyz uiymdardy tergeý bóliminiń jetekshisi N. Ýrnalievti ustady", – delingen habarlamada. Ulttyq biýronyń baspasóz qyzmetiniń málimeti boiynsha, paranyń jalpy kólemi 101 million teńge bolǵan. Qazirgi kezde kúdikti Oral qalalyq IID-niń ýaqytsha ustaý abaqtysyna qamaldy. Sotqa deiingi tergeý júrip jatyr.
https://www.youtube.com/watch?v=0O7ojXcRNNs
