Bul kemelerdiń manevrlik ornalasý pýnkti (qalqymaly aılaq) Qazaqstan Respýblıkasy Ulttyq qaýipsizdik komıteti Shekara qyzmetiniń jaǵalaý kúzeti úshin ázirlendi.
– Búgingi oqıǵa – kúsh qurylymdaryn otandyq óndiristiń zamanaýı quraldarymen jabdyqtaý maqsatyna jetýdegi kezekti qadam. Bizdiń kásiporynnyń kemeleri men katerleri shekara qyzmetinde de, elimiz Qarýly kúshteriniń Áskerı-teńiz kúshterinde de óz tıimdiligin kórsetti, – dep atap ótti «Qazaqstan ınjınırıń» UK» AQ Basqarma tóraǵasynyń orynbasary Rıshat Asanseıitov.
Manevrlik ornalasý pýnkti jalpy alǵanda sý yǵystyrǵyshtyǵy 800 tonnaǵa deıin kemeler men katerlerdiń aıaldap turaqtaýyna, olarǵa tıisti qyzmet kórsetýge jáne tıeý-túsirý jumystaryn júrgizýge arnalǵan.
Qalqymaly aılaq sý yǵystyrǵyshtyǵy 300 tonnaǵa deıin eki kemeniń bir mezgilde jáne sý yǵystyrǵyshtyǵy 70 tonnaǵa deıin eki katerdiń bir mezgilde aıaldap turýyn qamtamsyz ete alady. Budan basqa qalqymaly aılaqta turǵan kemelerdi elektr energıasymen avtonomdy jabdyqtaý jáne olarǵa jaǵalaý kózderinen elektr qýatyn berý.
Kemelerge qyzmet kórsetýshi mamandar úshin qalqymaly aılaqta sanıtarlyq normalarǵa sáıkes arnaıy jaǵdaı jasalǵanyn da aıta ketýimiz kerek.
Taǵy oyqyńyz:
https://dalanews.kz/52946
