UQK Shekara qyzmeti jeke quramdy qorǵanys quraldarymen qamtamasyz etý maqsatynda 2 mlrd teńgege memlekettik satyp alý konkýrsyn jarıalady. Bul týraly aqparat memlekettik satyp alý portalynda 4 aqpanda jarıalanǵan, dep habarlaıdy Dalanews.kz.
Ótinimder 12 aqpan kúni saǵat 09:00–18:00 aralyǵynda qabyldanady. Satyp alý "erekshe tártippen memlekettik satyp alý" tásili arqyly júzege asady.
Konkýrs aıasynda eki lot qarastyrylǵan:
- jalpyáskerı súzgish gaztumyldyryq;
- jalpyáskerı qorǵanys jıyntyǵy.
Ár lotqa shamamen 1 mlrd teńgeden qarastyrylǵan. Qorǵanys quraldary Almaty qalasynyń Túrksib aýdanyna jetkizilip, 2026 jyldyń aqpan–naýryz aılarynda tapsyrylýy josparlanǵan.
