ۇقك شەكارا قىزمەتى جەكە قۇرامدى قورعانىس قۇرالدارىمەن قامتاماسىز ەتۋ ماقساتىندا 2 ملرد تەڭگەگە مەملەكەتتىك ساتىپ الۋ كونكۋرسىن جاريالادى. بۇل تۋرالى اقپارات مەملەكەتتىك ساتىپ الۋ پورتالىندا 4 اقپاندا جاريالانعان، دەپ حابارلايدى Dalanews.kz.
وتىنىمدەر 12 اقپان كۇنى ساعات 09:00–18:00 ارالىعىندا قابىلدانادى. ساتىپ الۋ "ەرەكشە تارتىپپەن مەملەكەتتىك ساتىپ الۋ" ءتاسىلى ارقىلى جۇزەگە اسادى.
كونكۋرس اياسىندا ەكى لوت قاراستىرىلعان:
- جالپىاسكەري سۇزگىش گازتۇمىلدىرىق؛
- جالپىاسكەري قورعانىس جيىنتىعى.
ءار لوتقا شامامەن 1 ملرد تەڭگەدەن قاراستىرىلعان. قورعانىس قۇرالدارى الماتى قالاسىنىڭ تۇركسىب اۋدانىنا جەتكىزىلىپ، 2026 جىلدىڭ اقپان–ناۋرىز ايلارىندا تاپسىرىلۋى جوسپارلانعان.
