Almatylyq turǵyndar Respýblika saraiynda reseilik ártis Viachaslav Býtýsovtyń úlken kontsert beretinine narazy boldy, dep habarlaidy Dalanews.kz Ulysmedia.kz-ke siltep.
Almatydaǵy Respýblika saraiynda reseilik ártis Viacheslav Býtýsovtyń úlken kontserti ótedi dep josparlanǵan. Shara 2 sáýirge josparlanǵan.
- Sáýirde Respýblika saraiynda Býtýsov úlken kontsert bermekshi eken. 90-jyldary «bir shynjyrǵa bailanǵandar» men «haki túske taptalǵan álem» týraly án aitqan Býtýsovtyń ózi. Al 2022 jyly ol Ýkrainaǵa basyp kirý týraly bergen suhbatynda: «Menińshe, Ýkrainadaǵy qaqtyǵysty tek biraz ýaqytqa shegerýge bolatyn edi, biraq ol báribir bolatyn qaqtyǵys edi» degen edi. Sol sózi úshin 2022 jyly Helsinkide ótetin kontserti bolmai qaldy. Al 2023 jyly Máskeýdegi Lýjniki stadionynda ótken «patriottyq» kontsertte jańa «Orden Slavy» tobymen birge óner kórsetti.
(...) El emes, imperiianyń bir shetinde qalǵan aimaq sekildimiz. Birese Borodavkin (RF elshisi) Astana tórinde áskeri nasihat júrgizedi. Respýblika saraiyn Roskontsert mádeniet úii dep ózgertip jibersek qaitedi? Nesine qysylamyz? Shegi joq bir masqara boldy ǵoi…, dep narazylyǵyn bildirdi Almaty turǵyny Ardaq Býkeeva.
Turǵynnyń bul jazbasyn jeli qoldanýshylary qoldap, “úkimette abyroi joǵyn” jazǵan.
Býtýsov týraly
Viacheslav Býtýsov - keńestik jáne reseilik rok-mýzykant, ánshi, kompozitor, jazýshy, qoǵam qairatkeri, akter, Resei Federatsiiasynyń eńbek sińirgen ártisi, Lenin komsomoly syilyǵynyń laýreaty. Nautilus Pompilius, U-Piter jáne Order of Slavy rok-toptarynyń jetekshisi jáne vokalisi.
