Abai oblysynyń Borodýliha aýdanyndaǵy shahtada bolǵan oqiǵa boiynsha qylmystyq is qozǵaldy, dep habarlaidy Dala News.
Politsiia málimetinshe, is taý-ken jumystaryn júrgizý kezinde qaýipsizdik talaptaryn buzý faktisi boiynsha tirkelgen.
Aldyn ala derekterge sáikes, 18-inen 19 naýryzǵa qaraǵan túni shahtada jarylys jumystary júrgizilgen. Sonyń saldarynan aýadaǵy kómirqyshqyl gazynyń mólsheri kúrt artqan.
19 naýryz kúni tańerteń josparly jumysqa túsken eki jumysshy es-tússiz kúide tabylǵan. Olarǵa kómek kórsetý kezinde ýchaske bastyǵy da ýlanyp qalǵan.
Barlyq zardap shekkender jer betine shyǵarylǵan. Olardyń bireýi kóz jumsa, taǵy ekeýi aýdandyq aýrýhanaǵa jetkizildi.
Qazir oqiǵa ornynda jedel-tergeý toby jumys istep jatyr. Oqiǵanyń mán-jaiy anyqtalýda.
