Sot Gúlaiym Rahmonovaǵa qatysty adam ólimine ákep soqqan jol-kólik oqiǵasy týraly isti qarady, dep habarlaidy Dalanews.kz.
Jambyl oblysynyń qylmystyq ister jónindegi mamandandyrylǵan aýdanaralyq soty azamatsha R.-ǵa qatysty abaisyzda 2 adamnyń ólimine ákep soqqan jol júrisi qaǵidalaryn buzý faktisi boiynsha qylmystyq isti qarady (QK 345-babynyń 4-bóligi).
2025 jylǵy 27 shildede saǵat 8:30 shamasynda R. Jambyl oblysy Moiynqum aýdanyndaǵy «Almaty-Ekaterinbýrg» tas jolynda «Toyota Land Cruiser» markaly avtokóligin basqarǵan. Sharshaǵan kúiinde bolǵan Rahmonova jol erejesin buzdy, kólikti basqara almai, qarsy qozǵalys jolaǵyna shyqty, sodan keiin onyń kóligi aýdaryldy.
Nátijesinde, 2 jolaýshy (sottalýshynyń dosy men ápkesi) ómirge sáikes kelmeitin dene jaraqattarynan qaitys boldy, sottalýshynyń ózi aýrýhanaǵa jatqyzyldy. Sottalýshynyń kinási taraptardyń aiǵaqtarymen, sarapshylardyń qorytyndylarymen jáne istiń basqa materialdarymen dáleldendi.
Prokýror 7 jylǵa deiin avtokólik quraldaryn basqarý quqyǵynan aiyra otyryp, 5 jylǵa bas bostandyǵynan aiyrýdy, jazany oryndaýdy 5 jylǵa keiinge qaldyrýdy surady. Jábirlenýshi taraptar sottalýshyny keshirdi, talap aryz bermedi, (qaitys bolǵan dosynyń ákesi) bas bostandyǵynan aiyrýǵa bailanysty emes jaza taǵaiyndaýdy surady, (sottalýshynyń ápkesiniń jubaiy) sottan jaza taǵaiyndamaýdy surady.
Sottalýshy óz kinásin moiyndamady.
QK 345-babynyń 4-bóliginiń sanktsiiasy avtokólik quraldaryn basqarý quqyǵynan 7 jylǵa deiin aiyra otyryp, 5 jyldan 10 jylǵa deiingi merzimge bas bostandyǵynan aiyrýdy kózdeidi.
QK 55-babynyń 2-bóliginiń 1)-tarmaǵyna sáikes (16.07.2025 j. redaktsiiasynda) jeńildetetin mán-jailar bolǵan jáne aýyrlatatyn mán-jailar bolmaǵan kezde onsha aýyr emes nemese ortasha aýyrlyqtaǵy qylmystar boiynsha jazanyń negizgi túriniń merzimi jazanyń negizgi túriniń jartysynan aspaýǵa tiis.
QK-niń 74-babynyń 1-bóligine sáikes, jas balasy bar nemese ony tárbielep otyrǵan áielderge sot jazany oryndaýdy 5 jasqa deiin, biraq bala 14 jasqa tolǵanǵa deiin keiinge qaldyrady.
Sottalýshynyń 2 jastan 9 jasqa deiingi 4 balasy bar. Sot jas balalardyń bolýyn jeńildetetin mán-jailar retinde anyqtady, aýyrlatatyn mán-jailar anyqtalmady.
Sot úkimimen Gúlaiym Rahmonovany QK 345-babynyń 4-bóligi boiynsha kináli dep tanyldy jáne oǵan 7 jyl merzimge avtokólik quraldaryn basqarý quqyǵynan aiyra otyryp, 5 jyl merzimge bas bostandyǵynan aiyrý jazasy taǵaiyndaldy.
QK 74-babynyń 1-bóliginiń negizinde jazany oryndaý 5 jylǵa keiinge qaldyryldy. Úkim zańdy kúshine engen joq.
