Budan bólek, 2017 jylǵa bekitilgen indikativtik josparǵa sáikes, taýly jáne toǵaily aýmaqta 390 gektar, qumdy óńirde 3 myń gektar jerge kóshet egilgen. Sondai-aq, 10 577 gektarǵa sekseýil tuqymy sebilse, ormannyń tabiǵi túrde ulǵaiýyna yqpal etý jumystary 7 myń gektar aýmaqta júrgizilgen.
«Shatqal» baǵdarlamasyn iske asyrý maqsatynda byltyr oblystyń eldi mekenderin kógaldandyrýǵa aýdan, qala ákimdikterine basqarma tarapynan 480 myń túp kóshet tegin bosatylypty. Biyl basqarma aýdan, qala ákimdikterinen suranysyna orai 1 mln. 990 myń túp kóshetti tegin úlestirýdi josparlap otyr. Biyl sondai-aq, Shymkent qalasy ainalasyndaǵy «Jasyl aimaq» kólemin 19 myń gektarǵa ulǵaitý jumystary júzege asyp jatyr.
Sondai-aq, Shymkent qalasy aýmaǵynan 125 gektar jerde ornalasqan 7 shatqalda 55 myńnan asa ártúrli kóshetter egilip, abattandandyrý jumystary júrgizilgen. Bul jumys taǵy da jalǵasa beretin bolady. Aǵymdaǵy jyly atalǵan shatqaldyń ekeýi el igiligine tapsyrylady dep kútilýde.
OQO ákiminiń baspasóz qyzmeti
