بىلتىر وڭىردە كوشەتتەردىڭ جاڭا تۇرلەرى مەن سانىن كوبەيتۋ ماقساتىندا «بادام» مەملەكەتتىك مەكەمەسىندە 2 جىلىجاي قۇرىلعان بولاتىن. باسقارما ماماندارىنىڭ ايتۋىنشا، بۇگىندە وبلىستا جالپى ورمان قورىنىڭ جەرلەرى 3 132،0 مىڭ گەكتاردى قۇرايدى. ونىڭ ىشىندە ورمانمەن كومكەرىلگەن القابى 1 589،0 مىڭ گەكتارعا جەتكەن.
بۇدان بولەك، 2017 جىلعا بەكىتىلگەن ينديكاتيۆتىك جوسپارعا سايكەس، تاۋلى جانە توعايلى اۋماقتا 390 گەكتار، قۇمدى وڭىردە 3 مىڭ گەكتار جەرگە كوشەت ەگىلگەن. سونداي-اق، 10 577 گەكتارعا سەكسەۋىل تۇقىمى سەبىلسە، ورماننىڭ تابيعي تۇردە ۇلعايۋىنا ىقپال ەتۋ جۇمىستارى 7 مىڭ گەكتار اۋماقتا جۇرگىزىلگەن.
«شاتقال» باعدارلاماسىن ىسكە اسىرۋ ماقساتىندا بىلتىر وبلىستىڭ ەلدى مەكەندەرىن كوگالداندىرۋعا اۋدان، قالا اكىمدىكتەرىنە باسقارما تاراپىنان 480 مىڭ ءتۇپ كوشەت تەگىن بوساتىلىپتى. بيىل باسقارما اۋدان، قالا اكىمدىكتەرىنەن سۇرانىسىنا وراي 1 ملن. 990 مىڭ ءتۇپ كوشەتتى تەگىن ۇلەستىرۋدى جوسپارلاپ وتىر. بيىل سونداي-اق، شىمكەنت قالاسى اينالاسىنداعى «جاسىل ايماق» كولەمىن 19 مىڭ گەكتارعا ۇلعايتۋ جۇمىستارى جۇزەگە اسىپ جاتىر.
سونداي-اق، شىمكەنت قالاسى اۋماعىنان 125 گەكتار جەردە ورنالاسقان 7 شاتقالدا 55 مىڭنان اسا ءارتۇرلى كوشەتتەر ەگىلىپ، اباتتانداندىرۋ جۇمىستارى جۇرگىزىلگەن. بۇل جۇمىس تاعى دا جالعاسا بەرەتىن بولادى. اعىمداعى جىلى اتالعان شاتقالدىڭ ەكەۋى ەل يگىلىگىنە تاپسىرىلادى دەپ كۇتىلۋدە.
وقو اكىمىنىڭ باسپا ءسوز قىزمەتى
