Sharýalar kóktemgi dala jumystaryn nesieleýge 117 milliard teńgeniń ótinimin berdi
Qazaqstanda kóktemgi egis jumystaryna biýdjettik nesie berý jalǵasyp jatyr, dep habarlaidy "Agrarlyq nesie korporatsiiasy"AQ baspasóz qyzmeti.
2023 jyly "Keń dala" baǵdarlamasy boiynsha kóktemgi egis jáne egin jinaý jumystaryn qarjylandyrýǵa respýblikalyq biýdjetten 140 milliard teńge bólindi. Ótinimdi qabyldaý bastalǵaly 2 aptanyń ishinde sharýalardan jalpy somasy 117,1 milliard teńgege 3 myń 321 ótinim kelip tústi. Taǵy 1 myń 128 fermer qujat jinaý satysynda.
Qarjynyń kóp bóligi – 7,9 milliard teńge nesie seriktestikteri arqyly berildi. Mikroqarjy uiymdary arqyly fermerler 800 million teńge rásimdegen. Biyl nesie alýdy jeńildetý jáne jedeldetý maqsatynda Agrarlyq nesie korporatsiiasy qarjylandyrýdy tek nesie seriktestikteri, ekinshi deńgeidegi bankter jáne mikroqarjy uiymdaryn qorlandyrý arqyly júzege asyryp jatyr. Agroónerkásip sýbektileri úshin syiaqy mólsherlemesi jyldyq bes paiyzdan aspaidy.
Bul qarajat janar-jaǵarmai, aýyl sharýashylyǵy tehnikasyn jóndeýge qajetti qosalqy bólshekter, mineraldy tyńaitqysh, tuqym satyp alýǵa jáne egin egý men jinaýǵa arnalǵan ózge de is-sharalarǵa jumsalýy tiis.
Esterińizge sala keteiik, 2022 jyldan bastap baǵdarlama sharttary boiynsha alǵash ret nesieleý merzimi kelesi jyldyń kókteminiń basyna deiin uzartyldy, buryn nesieleý merzimi qarjylandyrý jylymen shektelgen bolatyn.
Sonymen qatar, ońtústik aimaqtar alǵash ret ótken jyldardaǵydai sáýir aiynda emes, aldyn-ala, iaǵni byltyr jeltoqsanda qarjylandyryldy. Sondai-aq, 1 gektarǵa jumsalatyn shyǵystar normativiniń mólsheri orta eseppen 25% - ǵa ulǵaityldy.
Nesieleý boiynsha tolyq aqparatty Agrarlyq nesie korporatsiiasynyń oblystyq filialdarynda nemese www.agrocredit.kz saitynan alýǵa bolady.
