Báidibek aýdanyndaǵy sharýa qojalyqtar jańbyrlatyp sýǵarý ádisin qolǵa alýda. AQSh-tyń «Valley» jańbyrlatyp sýǵarý qondyrǵylaryn Báidibek aýdanynda alǵashqylardyń biri bolyp ótken jyly «Ernur korporatsiia» JShS ornatty.
Atalǵan sharýashylyq 95 gektar alqaptyń 50 gektaryna jergilikti jońyshqa, 20 gektaryna arpa, 20 gektaryna bidai jáne 5 gektaryna «Sorgo» júgerisin egip, mol ónim alǵan. Atalǵan jumystar biyl da jalǵasyn tabýda.
Biyl aýdandaǵy «Elnur-Ǵ» JShS joba quny 145,3 mln. teńgege Kókterek aýyldyq okýrýgi aýmaǵyndaǵy 95,0 gektarǵa jańbyrlatyp sýǵarý qondyrǵysyn ornatyp, arnaiy uńǵyma qazyp, egistik alqabyn sýǵarýda. Sondai-aq, Alǵabas aýyldyq okrýginen «Customs Logistics Services» JShS 146 gektar egistik alqapqa kúndik mólsheri 12 gektar jerdi sýǵarýǵa bolatyn «FENGLIAN» JP 75-400 barabandy túrdegi sýǵarý tehnologiiasyn qoldanýǵa arnalǵan qondyrǵysyn ornatty.
Joba quny 18 mln 900 myń teńgeni quraidy. Kókterek aýyldyq okrýginen «Mahmýt-M» ÓK jáne «Mursaly» ShQ jalpy aýmaǵy 200 gektar jerge joba quny 160 mln. teńgege DYP-388 jańbyrlatyp sýǵarý tehnologiiasyn iske qosty.
Jańbyrlatyp sýǵarý tásilinde jalpy sýǵarý normasyn qajetinshe retteýge múmkindik týady. Tek topyraq ylǵaldanyp qoimai, tanapqa janasqan aýa qabatynyń ylǵaly artyp, ósimdikterge tiimdi mikroklimat paida bolady. Tanapty muqiiat tegisteý qajettiligi bolmaidy. Sýmen aralastyryp, tyńaitqyshtar men ártúrli dárilerdi berýge bolady.
Jalpy Báidibek aýdanynda qazirgi tańda jańbyrlatyp sýarý qurylǵysyn alýǵa qyzyǵýshylyq tanytyp jatqan sharýashylyqtar sany artýda. Búginde atalǵan tehnikany alý úshin 2 sharýshalyq qujattaryn ázirlep jatyr.
