Ónerkásip jáne qurylys mınıstri Qanat Sharlapaev elde eski kólikter kóbeıse, qazaqstandyqtarǵa joldarda júrý asa qaýipti bolatynyn aıtady, - dep habarlaıdy Dalanews.kz Qaz365.kz-ke siltep.

Kúzde Reseıde kádege jaratý alymynyń mólsherlemesin 70-85% arttyrý josparlanyp otyr. Bul Qazaqstanǵa qalaı áser etýi múmkin? Bul suraqqa búgin Ónerkásip jáne qurylys mınıstri Qanat Sharlapaev jaýap berdi. Sheneýnik bul eldegi avtomobıl baǵasynyń ósýine áser etpeıdi dep boljaıdy. 

“Baǵa aıyrmashylyǵyna baılanysty, ókinishke qaraı, ekologıaǵa zıan keltiretin jáne joldarda óte qaýipti jaǵdaı týǵyzatyn eski kólikterdiń úlken aǵyny qaıtadan paıda bolýy múmkin. Mine, osyndaı táýekel bar, bul óte naqty táýekel. Basqa elder zańmen ımporttan qorǵanady, ony avtohlam dep ataıyq. Al biz qorǵanýdyń qajeti joq dep sanaımyz. Mine, osy ósimge baılanysty táýekel bar (Reseıdegi ýtılsbor stavkalary-avtor.) Avtohlam Qazaqstanǵa aǵylady jáne bizdiń azamattarymyzǵa joldarda júrý áldeqaıda qaýipti bolady”, – dedi Qanat Sharlapaev Úkimet kýlýarynda. 

Bul rette, mınıstrlik basshysy kórshi elderdiń kádege jaratý máselesi boıynsha ustanymyna nazar aýdardy. 

“Olar ony joıyp qana qoımaıdy, ony kóteredi. Bul jerde Qazaqstan kólemi jaǵynan da, kádege jaratý alymyn bastapqy tirkeý jaǵynan da kórshilerden edáýir artta qalǵanyn túsiný kerek”, – dep túıindedi Sharlapaev.