Májilistiń jalpy otyrysynda depýtat Gúldara Nurymova Ónerkásip jáne qurylys ministri Qanat Sharlapaevqa memlekettik qurylys shyǵyndaryn tómendetý boiynsha saýal qoidy, dep habarlaidy Dalanews.kz.
Nurymova respýblikalyq biýdjettiń kiris-shyǵys balansyndaǵy kemshilikterdi atap ótip, shyǵyndardy qysqartýdyń tiimdi joldaryn qarastyrý qajettigin aitty. Onyń pikirinshe, qurylys jumystarynyń quny shynaiy naryq baǵasymen salystyrǵanda birneshe ese artyq esepteledi.
"Qarjy jáne Ulttyq ekonomika ministrlikteri biýdjettiń kiris bóligin arttyryp, shyǵystardy azaitý baǵytynda jumys isteýi qajet. Ókinishke qarai, mundai jumystyń nátijesi baiqalmai otyr. Shyǵyndardy azaitýdyń bir joly – qurylys jumystarynyń qunyn qaita qarap, ony shynaiy deńgeige deiin tómendetý. Ministrlik bul másele boiynsha qandai sharalar josparlap otyr?" – dep surady depýtat.
Ministr Qanat Sharlapaev densaýlyǵyna bailanysty daýysy qarlyǵyp turǵanyn atap ótip, qysqa da nusqa jaýap berdi.
"Suraǵyńyz óte ózekti. Biz memlekettik saraptama arqyly qurylys shyǵyndaryn ońtailandyrý men zamanaýi ádisterdi engizý jumystaryn júrgizip jatyrmyz", – dedi ol.
Otyrys barysynda Májilis tóraǵasy Erlan Qoshanov bul sátti ázilmen túiindedi.
"Dáriger depýtattyń suraǵyna syrqat ministr jaýap berýge tyrysty", – dep pikir bildirdi.
