Áleýmettik jelide taraǵan eks-mınıstr Qýandyq Bıshimbaev pen akter Shárip Serikti jasandy ıntellektpen baılanystyryp, vıdeo jasaǵan turǵynǵa qatysty polısıa sheshim shyǵardy, dep habarlaıdy Dalanews.kz Tengrinews.kz-ke silteme jasap.
Buǵan deıin akter Shárip Serik polısıaǵa júginip, jalǵan aqparat taratý men jala jabý faktisi boıynsha shaǵym túsirgen bolatyn. Alaıda, bul is boıynsha qylmystyq is qozǵaýdan bas tartylǵany belgili boldy.
Bul týraly Almaty qalalyq polısıa departamentiniń baspasóz qyzmeti resmı túrde habarlady.
«Atalǵan fakti boıynsha tekserý júrgizildi. Vıdeomaterıaldy jasaý barysynda azamattardyń jeke ómirine qol suǵylmaýshylyq, jeke derekterdi qorǵaý jáne basqa da quqyqtaryn buzý belgileri anyqtalǵan joq. Quqyq buzýshylyq quramynyń bolmaýyna baılanysty aryz qaraýsyz qaldyryldy», – dep habarlady vedomstvo ókilderi.
Eske salaıyq, buǵan deıin qazaqstandyq tanymal akter Shárip Serik qyzdy uryp-soqty dep aıyptaldy. Polısıa osy jaǵdaıǵa qatysty tekseris júrgizdi.
Álıa Býteeva esimdi qyz jelide sýret-vıdeolar jarıalady. Kadrlardan akter Shárip Serik qyzdyń artynan jalań aıaq júgirip shyǵyp, qolynan ustap, lıftten shyǵaryp alǵany kórinedi.
Qyz beti qyzarǵan sýretterin de jarıalady.
Kompanıa málimdemesi
Osy oqıǵadan keıin Sálem Entertainment kompanıasy akter Shárip Serikpen áriptestik qarym-qatynasyn toqtatý týraly sheshim qabyldady.
"Sońǵy oqıǵalarǵa baılanysty Sálem Entertainment ujymy Shárıp Serikti «qara tizimge» engizip, onymen kez kelgen yntymaqtastyqty tolyǵymen toqtatty.
Buǵan deıin jarıalanǵan "Shakal" serıaly men Qarga serıalynyń úshinshi maýsymy resmı túrde jabyldy. Sonymen qatar, akter Meow serıalynyń ekinshi maýsymynda basty rólderdiń birin somdaýy tıis bolǵan, alaıda ol jobadan tolyqtaı alynyp tastaldy", - dep jazylǵan habarlamada.
