Sharyn shatqalynyń jartasty qýystarynda ómir súretin asa qupıa jyrtqyshtar - manýldar sırek kezdesetin sátte kameraǵa túsip qaldy, dep habarlaıdy Dalanews.kz.

Beınejazbada jabaıy tabıǵattaǵy eń sırek ári eń áserli kórinisterdiń biri - manýl kúshiginiń anasyn izdegen sáti baıqalady.

Analyq manýldyń aldymen aınalany muqıat sholyp shyqqan. Qaýip joq ekenine kózi jetken soń ol belgi beredi. Sol sátte tas arasyndaǵy kóleńkeden qysqa aıaqtaryn teńselte basqan úlpildek marǵaý kórinedi.

Manýl - álemdegi eń tuıyq ári sırek kezdesetin jabaıy mysyqtardyń biri. Ony tabıǵatta tirideı kórýdiń ózi - úlken olja sanalsa, al analyq pen kúshiktiń birge beınege túsýi ǵalymdar úshin erekshe ǵylymı tabysqa jatady.

Qazaqstanda manýl Qyzyl kitapqa engizilgen jáne memleket qorǵaýynda. Mamandardyń aıtýynsha, mundaı beınejazbalar ulttyq parktiń ekojúıesi turaqty ekenin jáne sırek kezdesetin jyrtqyshtardyń sany birtindep qalpyna kelip jatqanyn dáleldeıdi.