Álem nazaryn aýdarǵan jekpe-jektiń alǵashqy kezdesýi 57 keli salmaqta óner kórsetip júrgen shardaralyq Nurmahan Erdaýlet pen reseilik Ahmat Aibazov arasynda ótti. 5 raýndyq jekpe-jekte 5:0 esebimen qazaq balýany jeńiske jetti.
70 keli salmaqta «Shardara Armsport» klýbynyń sportshysy Qadir Nurdaýlet, grýziialyq sportshy Vileni Gabravany óte tartysty ári qyzyqty ótken saiysta 4:1 esebimen jeńip, Qazaq eliniń namysyn abyroimen qorǵady. Al, 78 keli salmaqta baq synaǵan «Shardara.Armsport» klýbynyń sportshysy Aidarhan Nurdaýlet, ýkrainalyq qarsylasy Roman Mantikany 5:0 esebimen jeńip, «Shardara.Armsport» quramasynyń enshisine taǵy bir jeńis syilady.
Sońǵy jup osy saiystyń eń aýyr salmaǵy 95 kelide «Shardara Armsport» quramasynyń sapynan Qarjaý Esbolat baq synap, Ózbekstan eliniń sportshysy Jasýr Aliakbarovqa qarsy ótken 5 raýndtyq jekpe-jekte 4:1 esebimen Ózbekstan sportshysyn tize búktirdi.
«Shardara Armsport vs Álem quramasy» arasyndaǵy jekpe-jek kezdesýinde, jalpy komandalyq esepte 5:0 esebimen «Shardara Armsport» quramasy jeńiske jetip, Qazaq eliniń abyroiyn asqaqtatty. Aita keteiik, shardaralyq sportshylar aldaǵy ýaqytta «Shardara VS Aziia», «Shardara VS Eýropa» jarystaryn ótkizýdi de josparlap otyr.
