الەم نازارىن اۋدارعان جەكپە-جەكتىڭ العاشقى كەزدەسۋى 57 كەلى سالماقتا ونەر كورسەتىپ جۇرگەن شاردارالىق نۇرماحان ەرداۋلەت پەن رەسەيلىك احمات ايبازوۆ اراسىندا ءوتتى. 5 راۋندىق جەكپە-جەكتە 5:0 ەسەبىمەن قازاق بالۋانى جەڭىسكە جەتتى.
70 كەلى سالماقتا «Shardara Armsport» كلۋبىنىڭ سپورتشىسى ءقادىر نۇرداۋلەت، گرۋزيالىق سپورتشى ۆيلەني گابراۆانى وتە تارتىستى ءارى قىزىقتى وتكەن سايىستا 4:1 ەسەبىمەن جەڭىپ، قازاق ەلىنىڭ نامىسىن ابىرويمەن قورعادى. ال، 78 كەلى سالماقتا ب ا ق سىناعان «Shardara.Armsport» كلۋبىنىڭ سپورتشىسى ايدارحان نۇرداۋلەت، ۋكراينالىق قارسىلاسى رومان مانتيكانى 5:0 ەسەبىمەن جەڭىپ، «Shardara.Armsport» قۇراماسىنىڭ ەنشىسىنە تاعى ءبىر جەڭىس سىيلادى.
كىل مىقتىلار اراسىندا وتكەن جەكپە-جەكتە 86 كەلى سالماقتا «شاردارا ارمسپورت» قۇراماسىنىڭ سپورتشىسى، الەمگە «ەڭ جىلدام» اتىمەن تانىمال بولعان تالعات اقتايەۆ، لاتۆيالىق سپورتشى ۆلاديسلاۆ كراسوۆسكييگە قارسى ب ا ق سىنادى. 5 راۋندتىق جەكپە-جەكتىڭ ناتيجەسى بويىنشا 4:1 ەسەبىمەن تالعات اقتايەۆ جەڭىسكە جەتىپ، ءوز مىقتىلىعىن تاعى ءبىر مويىنداتتى.
سوڭعى جۇپ وسى سايىستىڭ ەڭ اۋىر سالماعى 95 كەلىدە «شاردارا ارمسپورت» قۇراماسىنىڭ ساپىنان قارجاۋ ەسبولات ب ا ق سىناپ، وزبەكستان ەلىنىڭ سپورتشىسى جاسۋر الياكباروۆقا قارسى وتكەن 5 راۋندتىق جەكپە-جەكتە 4:1 ەسەبىمەن وزبەكستان سپورتشىسىن تىزە بۇكتىردى.
«شاردارا ارمسپورت vs الەم قۇراماسى» اراسىنداعى جەكپە-جەك كەزدەسۋىندە، جالپى كوماندالىق ەسەپتە 5:0 ەسەبىمەن «شاردارا ارمسپورت» قۇراماسى جەڭىسكە جەتىپ، قازاق ەلىنىڭ ابىرويىن اسقاقتاتتى. ايتا كەتەيىك، شاردارالىق سپورتشىلار الداعى ۋاقىتتا «شاردارا VS ازيا»، «شاردارا VS ەۋروپا» جارىستارىن وتكىزۋدى دە جوسپارلاپ وتىر.
