Shardara aýdanynda «Taza Qazaqstan» ekologiialyq baǵdarlamasy aiasynda senbilikter men ekologiialyq sharalar júieli túrde jalǵasyp keledi, dep habarlaidy Dalanews.kz
Naýryz aiynan bastalǵan “Taza bastaý”, “Jasyl tolqyn”, “Taza tabiǵat”, “Kieli meken” atty naýqandar aiasynda aýdan kóleminde aýqymdy jumystar júrgizilýde. Atap aitqanda, Shardara sýqoimasy, Uzyn ata kesenesi jáne qala men aýyl okrýgteriniń ishki-syrtqy aýmaqtarynda shópter shabylyp, aiaq joldar retke keltirilýde. 2025 jyldyń qańtar-mamyr ailary aralyǵynda tazalyq jumystaryna 22 980 adam qatysyp, 578 tonnaǵa jýyq turmystyq qaldyq arnaiy poligonǵa shyǵarylǵan.
Búgingi ótken senbilikke aýdandaǵy túrli mekeme qyzmetkerleri, eriktiler, qoǵamdyq jumysshylar men turǵyndardan quralǵan 1000-nan astam adam qatysyp, 34 arnaiy tehnika jumyldyrylǵan. Nátijesinde 38 tonna qoqys shyǵarylyp, arnaiy oryndarǵa jetkizilgen. Sonymen qatar, kógaldandyrý sharalary sheńberinde kóktemgi kezeńde 20 150 túp aǵash kósheti otyrǵyzyldy. Sondai-aq, ýdan aýmaǵyndaǵy oblystyq mańyzy bar Shardara–Keles, Shardara–Jetisai jáne Shardara–Arys baǵytyndaǵy avtojoldar boiynda tazalyq jumystary júrgizilip, nátijesinde 103 shaqyrym aiaq joldar men 183 shaqyrym irrigatsiialyq júieler tazartyldy.
