Shardara qalasynan «Daryn» damytý ortalyǵy ashyldy. Memlekettik jol kartasy 2020 baǵdarlamasy aıasynda iske asyrylǵan damytý ortalyǵynda 6-12 jas aralyǵyndaǵy balalarǵa bilim alady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Ortalyqtyń ıesi Aqmaral Jaqsylyqova kásip bastaý úshin memleketten qaıtarymsyz 3 mln 500 myń teńgelik grant jeńip alǵan. Qazirgi kezde balalardyń 90%-y este saqtaý qabiletiniń tómendiginen berilgen aqparattardy túgel qabyldaı almaıdy jáne óte baıaý oqıdy. Osy turǵyda «Daryn» damytý ortalyǵy balalardyń máselesin sheshýge atsalysatyn bolady.

Bul ortalyqtyń negizgi maqsaty – jyldam oqytý, este saqtaý qabiletin jaqsartý, býyndap oqýdy meńgertý, logıkalyq oılaý qabiletin damytý, shyǵarmashylyq qabiletin arttyrý jáne barlyq pándi erkin meńgerýdi úıretý.

Aıta ketsek, ortalyqtyń negizin qalaýshysy Túrkıa memleketi, Izmır qalasyndaǵy Ege ýnıversıtetinen bilim alǵan. Jyldar boıy jıǵan bilimi men izdenistiń arqasynda «Jadyny damytýǵa» arnalǵan avtorlyq kitaby jaryq kórdi. Sol oqýlyq boıynsha balalarǵa bilim beretin bolady.