ورتالىقتىڭ يەسى اقمارال جاقسىلىقوۆا كاسىپ باستاۋ ءۇشىن مەملەكەتتەن قايتارىمسىز 3 ملن 500 مىڭ تەڭگەلىك گرانت جەڭىپ العان. قازىرگى كەزدە بالالاردىڭ 90%-ى ەستە ساقتاۋ قابىلەتىنىڭ تومەندىگىنەن بەرىلگەن اقپاراتتاردى تۇگەل قابىلداي المايدى جانە وتە باياۋ وقيدى. وسى تۇرعىدا «دارىن» دامىتۋ ورتالىعى بالالاردىڭ ماسەلەسىن شەشۋگە اتسالىساتىن بولادى.
بۇل ورتالىقتىڭ نەگىزگى ماقساتى – جىلدام وقىتۋ، ەستە ساقتاۋ قابىلەتىن جاقسارتۋ، بۋىنداپ وقۋدى مەڭگەرتۋ، لوگيكالىق ويلاۋ قابىلەتىن دامىتۋ، شىعارماشىلىق قابىلەتىن ارتتىرۋ جانە بارلىق ءپاندى ەركىن مەڭگەرۋدى ۇيرەتۋ.
ايتا كەتسەك، ورتالىقتىڭ نەگىزىن قالاۋشىسى تۇركيا مەملەكەتى، يزمير قالاسىنداعى ەگە ۋنيۆەرسيتەتىنەن ءبىلىم العان. جىلدار بويى جيعان ءبىلىمى مەن ىزدەنىستىڭ ارقاسىندا «جادىنى دامىتۋعا» ارنالعان اۆتورلىق كىتابى جارىق كوردى. سول وقۋلىق بويىنشا بالالارعا ءبىلىم بەرەتىن بولادى.
