Túrkistan oblysy Shardara aýdandyq bilim bóliminiń basshysy men esepshilerine sot úkimi shyqty, dep habarlaidy Dalanews.kz.
Informbiýro31 málimetinshe,biýdjettiń 4 milliard teńgege jýyq qarajatyn talan-tarajǵa salǵan bas-aiaǵy 15 adam túrli jaza arqalady. Basty aiyptalýshy 10, qalǵandary 7 jylǵa bas bostandyǵynan aiyryldy.
"Qylmystyq jolmen paida bolǵan memleket paidasyna óndirildi. Onyń ishinde úiler, páterler, 20 shaqty jyljityn, jyljymaityn múlik. Sonymen qatar sottalǵan tulǵanyń menshiginde saýda ortalyǵynda altyn satatyn oryn bolǵan. Ony da qylmystyq jolmen paida bolǵan dep sot memleket paidasyna óndirdi", - deidi Túrkistan oblystyq qylmystyq ister jónindegi aýdanaralyq sotynyń sýdiasy Dáýren Madaliev.
Tergeý málimetinshe, olar uiymdasqan top quryp, qazyna qarajatyn iemdený maqsatynda jumys istemegen tulǵalarǵa jalaqy aýdaryp otyrǵan. Artynsha aqshany ózderiniń jeke shottary arqyly sheship alǵan. Ol azdai, zańsyz jolmen kelgen milliondardy jeke paidalaryna jumsap, dúnie-múlik alyp úlgergen eken.
Sotta aiyptalýshylardyń kinási tolyq dáleldendi. Isti jeti ai boiy qaraǵan sýdia 62 jastan asqan úsh aiyptalýshyǵa bas bostandyǵynan shekteý jazasyn taǵaiyndady. Taǵy eki sottalýshy balalary kámelet jasyna tolmaǵandyqtan jazasyn bes jyldan soń óteitin boldy. Basty aiyptalýshynyń týystary úkimmen kelispeidi.
