تٷركٸستان وبلىسى شاردارا اۋداندىق بٸلٸم بٶلٸمٸنٸڭ باسشىسى مەن ەسەپشٸلەرٸنە سوت ٷكٸمٸ شىقتى, دەپ حابارلايدى Dalanews.kz.
ينفورمبيۋرو31 مەلٸمەتٸنشە,بيۋدجەتتٸڭ 4 ميلليارد تەڭگەگە جۋىق قاراجاتىن تالان-تاراجعا سالعان باس-اياعى 15 ادام تٷرلٸ جازا ارقالادى. باستى ايىپتالۋشى 10, قالعاندارى 7 جىلعا باس بوستاندىعىنان ايىرىلدى.
"قىلمىستىق جولمەن پايدا بولعان مەملەكەت پايداسىنا ٶندٸرٸلدٸ. ونىڭ ٸشٸندە ٷيلەر, پەتەرلەر, 20 شاقتى جىلجيتىن, جىلجىمايتىن مٷلٸك. سونىمەن قاتار سوتتالعان تۇلعانىڭ مەنشٸگٸندە ساۋدا ورتالىعىندا التىن ساتاتىن ورىن بولعان. ونى دا قىلمىستىق جولمەن پايدا بولعان دەپ سوت مەملەكەت پايداسىنا ٶندٸردٸ", - دەيدٸ تٷركٸستان وبلىستىق قىلمىستىق ٸستەر جٶنٸندەگٸ اۋدانارالىق سوتىنىڭ سۋدياسى دەۋرەن ماداليەۆ.
تەرگەۋ مەلٸمەتٸنشە, ولار ۇيىمداسقان توپ قۇرىپ, قازىنا قاراجاتىن يەمدەنۋ ماقساتىندا جۇمىس ٸستەمەگەن تۇلعالارعا جالاقى اۋدارىپ وتىرعان. ارتىنشا اقشانى ٶزدەرٸنٸڭ جەكە شوتتارى ارقىلى شەشٸپ العان. ول ازداي, زاڭسىز جولمەن كەلگەن ميلليونداردى جەكە پايدالارىنا جۇمساپ, دٷنيە-مٷلٸك الىپ ٷلگەرگەن ەكەن.
سوتتا ايىپتالۋشىلاردىڭ كٸنەسٸ تولىق دەلەلدەندٸ. ٸستٸ جەتٸ اي بويى قاراعان سۋديا 62 جاستان اسقان ٷش ايىپتالۋشىعا باس بوستاندىعىنان شەكتەۋ جازاسىن تاعايىندادى. تاعى ەكٸ سوتتالۋشى بالالارى كەمەلەت جاسىنا تولماعاندىقتان جازاسىن بەس جىلدان سوڭ ٶتەيتٸن بولدى. باستى ايىپتالۋشىنىڭ تۋىستارى ٷكٸممەن كەلٸسپەيدٸ.
