Hal-jaıymdy bilseń edi,
Bilmeımin qaıterimdi...
Kim senedi?
On jetimde óshirip alǵan otym,
Qaıter eń, qaıta qaryp júrse meni?
Bir dertke ushyradym bul kúnde men,
Qoshtastym saýyǵymmen, kúlkimmenen.
Júregim jerik bolǵan jaǵdaıy bar,
Bir pále jatyr bilem búlkildegen.
Yntyǵyp yńkylmenen, kúńkilmenen,
Jetkizip aıtý qıyn qur tilmenen.
Búgin maǵan jıyrma kerek bop júr
Aldynda hor qyzynyń irkilmegen.
Belgili saǵan meniń maýbastyǵym,
Sabyrsyz, aýzy kúıgen albastymyn.
Kesemdi aldymenen úrlep alam,
Yssy shaıdy aýzyma almas buryn.
Oılasam, talaı-talaı qyr basyppyn,
Dosym dep, «dońyzben» de mundasyppyn...
...Shámil-aý!
Qalyń dostan kalǵan sen eń,
Qaıtemin?
Ǵashyqpyn men,
Shyn ǵashyqpyn!!!
Ǵashyqpyn!
Ǵashykpyn dep bildirmedim,
(Belgili: bildirgenim — búldirgenim).
Jarq etip jaıdyń oty shashylǵanda,
Jalt berip, qaraýǵa da úlgirmedim...
Muqaǵalı Maqataev
