Qazaqstanǵa keletin shetel azamattary úshin engiziletin elektrondy kirý ruqsatynyń (QazETA) boljamdy quny belgili boldy. Oninvest basylymynyń habarlaýynsha, Serbiia Syrtqy ister ministrligi óz azamattaryna Qazaqstanǵa kirý úshin aqy tóleý qajettigi týraly eskertý jariialaǵan, dep habarlaidy dalanews.kz.
Málimetke sáikes, eger ótinish shekaradan ótýge deiin keminde 72 saǵat buryn elektrondy túrde berilse, ruqsat quny shamamen 3,9 myń teńge (8 eýro) bolady. Al qujat tikelei shekarada rásimdelse, tólem kólemi 7,6 myń teńgege (16 eýro) deiin jetýi múmkin.
25 tamyzdan bastap Qazaqstanda «Halyqtyń kóshi-qony týraly» zańnyń jańa redaktsiiasy kúshine endi. Qujatqa sáikes, shetel azamattaryna, onyń ishinde Eýraziialyq ekonomikalyq odaqqa (EAEO) múshe elderdiń turǵyndaryna da Qazaqstanǵa kirý úshin QazETA elektrondy ruqsatyn alý qajet bolady.
Buǵan deiin Ishki ister ministrligi jańa júie 2026 jyldyń tamyzy men jeltoqsany aralyǵynda kezeń-kezeńimen engiziletinin habarlaǵan bolatyn. Alaida ázirge qandai elderdiń azamattaryna bul talap mindetti bolatyny jáne ruqsat quny týraly resmi aqparat jariialanǵan joq.
Jańa tártiptiń alǵashqy kezeńi 25 tamyz ben 1 qarasha aralyǵynda synaq rejiminde jumys isteidi. Osy kezeńde QazETA bolmaǵan jaǵdaida shetel azamattaryna Qazaqstanǵa kirýge tyiym salynbaidy.
Al 1 qarashadan bastap ruqsat áýe kóligimen keletinder úshin mindetti bolady. Qajetti qujaty joq jolaýshylar Qazaqstanǵa baǵyttalǵan reisterge jiberilmeidi.
15 qarashadan bastap talap Qytai jáne Túrikmenstan siiaqty EAEO-dan tys eldermen shektesetin qurlyqtaǵy ótkizý beketterine de taralady.
Keiin bul júie Resei, Belarýs, Armeniia jáne Qyrǵyzstanmen aradaǵy EAEO ishki shekaralarynda da qoldanyla bastaidy. Sondai-aq jańa ereje temirjol qatynasy men porttar arqyly keletin shetel azamattaryna da engiziledi.
QazETA ruqsaty 180 kúnge jaramdy bolady. Alaida onyń iesi Qazaqstan aýmaǵynda osy merzim ishinde 90 kúnnen artyq bola almaidy.
