قازاقستانعا كەلەتٸن شەتەل ازاماتتارى ٷشٸن ەنگٸزٸلەتٸن ەلەكتروندى كٸرۋ رۇقساتىنىڭ (QazETA) بولجامدى قۇنى بەلگٸلٸ بولدى. Oninvest باسىلىمىنىڭ حابارلاۋىنشا, سەربييا سىرتقى ٸستەر مينيسترلٸگٸ ٶز ازاماتتارىنا قازاقستانعا كٸرۋ ٷشٸن اقى تٶلەۋ قاجەتتٸگٸ تۋرالى ەسكەرتۋ جارييالاعان, دەپ حابارلايدى dalanews.kz.
مەلٸمەتكە سەيكەس, ەگەر ٶتٸنٸش شەكارادان ٶتۋگە دەيٸن كەمٸندە 72 ساعات بۇرىن ەلەكتروندى تٷردە بەرٸلسە, رۇقسات قۇنى شامامەن 3,9 مىڭ تەڭگە (8 ەۋرو) بولادى. ال قۇجات تٸكەلەي شەكارادا رەسٸمدەلسە, تٶلەم كٶلەمٸ 7,6 مىڭ تەڭگەگە (16 ەۋرو) دەيٸن جەتۋٸ مٷمكٸن.
25 تامىزدان باستاپ قازاقستاندا «حالىقتىڭ كٶشٸ-قونى تۋرالى» زاڭنىڭ جاڭا رەداكتسيياسى كٷشٸنە ەندٸ. قۇجاتقا سەيكەس, شەتەل ازاماتتارىنا, ونىڭ ٸشٸندە ەۋرازييالىق ەكونوميكالىق وداققا (ەاەو) مٷشە ەلدەردٸڭ تۇرعىندارىنا دا قازاقستانعا كٸرۋ ٷشٸن QazETA ەلەكتروندى رۇقساتىن الۋ قاجەت بولادى.
بۇعان دەيٸن ٸشكٸ ٸستەر مينيسترلٸگٸ جاڭا جٷيە 2026 جىلدىڭ تامىزى مەن جەلتوقسانى ارالىعىندا كەزەڭ-كەزەڭٸمەن ەنگٸزٸلەتٸنٸن حابارلاعان بولاتىن. الايدا ەزٸرگە قانداي ەلدەردٸڭ ازاماتتارىنا بۇل تالاپ مٸندەتتٸ بولاتىنى جەنە رۇقسات قۇنى تۋرالى رەسمي اقپارات جارييالانعان جوق.
جاڭا تەرتٸپتٸڭ العاشقى كەزەڭٸ 25 تامىز بەن 1 قاراشا ارالىعىندا سىناق رەجيمٸندە جۇمىس ٸستەيدٸ. وسى كەزەڭدە QazETA بولماعان جاعدايدا شەتەل ازاماتتارىنا قازاقستانعا كٸرۋگە تىيىم سالىنبايدى.
ال 1 قاراشادان باستاپ رۇقسات ەۋە كٶلٸگٸمەن كەلەتٸندەر ٷشٸن مٸندەتتٸ بولادى. قاجەتتٸ قۇجاتى جوق جولاۋشىلار قازاقستانعا باعىتتالعان رەيستەرگە جٸبەرٸلمەيدٸ.
15 قاراشادان باستاپ تالاپ قىتاي جەنە تٷرٸكمەنستان سيياقتى ەاەو-دان تىس ەلدەرمەن شەكتەسەتٸن قۇرلىقتاعى ٶتكٸزۋ بەكەتتەرٸنە دە تارالادى.
كەيٸن بۇل جٷيە رەسەي, بەلارۋس, ارمەنييا جەنە قىرعىزستانمەن اراداعى ەاەو ٸشكٸ شەكارالارىندا دا قولدانىلا باستايدى. سونداي-اق جاڭا ەرەجە تەمٸرجول قاتىناسى مەن پورتتار ارقىلى كەلەتٸن شەتەل ازاماتتارىنا دا ەنگٸزٸلەدٸ.
QazETA رۇقساتى 180 كٷنگە جارامدى بولادى. الايدا ونىڭ يەسٸ قازاقستان اۋماعىندا وسى مەرزٸم ٸشٸندە 90 كٷننەن ارتىق بولا المايدى.
