Serik Shápkenov laýazymynan bosatyldy, dep habarlaidy dalanews.kz.
Memleket basshysynyń Jarlyǵymen Serik Jambyluly Shápkenov Atyraý oblysynyń ákimi laýazymynan bosatyldy.
Serik Jambyluly Shápkenov 1979 jyly Batys Qazaqstan oblysy Qaratóbe aýylynda dúniege kelgen. Batys Qazaqstan memlekettik ýniversitetin «ekonomist-matematik» mamandyǵy boiynsha támamdaǵan.
Eńbek jolyn 2000 jyly Batys Qazaqstan memlekettik ýniversitetinde oqytýshy bolyp bastaǵan. Keiin Batys Qazaqstan oblysy ákimdigi qurylymynda túrli laýazymdardy atqaryp, ekonomika jáne biýdjettik josparlaý salasynda qyzmet etti. 2012–2015 jyldary Batys Qazaqstan oblysy ákiminiń birinshi orynbasary boldy.
2015–2016 jyldary Qazaqstan Respýblikasy Prezidenti Ákimshiliginiń Memlekettik baqylaý jáne aýmaqtyq uiymdastyrý jumysy bóliminde memlekettik inspektor qyzmetin atqardy. Odan keiin 2016–2018 jyldary Atyraý qalasynyń ákimi boldy. 2018–2020 jyldary Atyraý oblysy ákiminiń birinshi orynbasary qyzmetin atqardy.
2020 jyldyń maýsymynda Eńbek jáne halyqty áleýmettik qorǵaý vitse-ministri bolyp taǵaiyndaldy. Al 2021 jylǵy qańtarda osy ministrliktiń basshysy qyzmetine kóterildi.
2022 jylǵy 7 sáýirde Prezident Jarlyǵymen Atyraý oblysynyń ákimi bolyp taǵaiyndaldy. Keiin bul qyzmetke qaita taǵaiyndaldy.
