Bul týraly Astanadaǵy senimdi derekkózderge silteme jasap SentrAzıa portaly habarlap otyr.
Atalǵan aqparat ázir resmı rastalǵan joq.
Maqalada «SentrAzıa» Maılybaevtyń qamaýǵa alynýynyń birneshe sebebin atap kórsetken. Alǵashqysy aqsha urlaý. Maılybaev saıası jáne tarıhı zertteýlerge dep bólingen 1,3 mlrd. teńgeni jep qoıǵan. Taǵy bir sebep eks-mınıstr Qýandyq Bıshimbaevtyń isimen baılanysty. Bıshimbaev «Báıterek» holdıńindegi qarjy qymqyrý daýyna baılanysty tutqyndalǵan-tuǵyn.
Al Nazarbaev Baǵlan Maılybaevty Prezıdent Ákimshiligi basshysynyń orynbasary qyzmetinen kúni keshe ǵana bosatqan edi.
Baǵlan Asaýbaıuly Maılybaev. Ómirbaıan
Baǵlan Asaýbaıuly Maılybaev 1975 jyly 20 mamyrda Jambyl oblysynda dúnıege kelgen. 1996 jyly ál-Farabı atyndaǵy Qazaq Memlekettik Ulttyq Ýnıversıtetin jýrnalıs mamandyǵy boıynsha bitirgen. 1998 jyly Reseı Federasıasy Prezıdentiniń janyndaǵy Reseı memlekettik qyzmet Akademıasynyń saıasattaný jáne saıası basqarý kafedrasynyń aspırantýrasyn bitirgen. Memleket qaıratkeri, zań ǵylymynyń doktory.
1998 jyldan 2002 jylǵa deıin – Qazaqstan Respýblıkasy Ulttyq Ǵylym Akademıasynyń Memleket jáne quqyq ınstıtýtynyń aǵa ǵylymı qyzmetkeri, Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetiniń oqytýshysy. 2002 jyldyń aqpan aıynan mamyr aıyna deıin – Mádenıet, aqparat jáne qoǵamdyq kelisim mınıstrligi BAQ departamentiniń dırektory. 2002 jyldyń mamyr aıynan 2003 jyldyń qyrkúıek aıyna deıin «Kazahstanskaıa pravda» Respýblıkalyq gazeti» ashyq aksıonerlik qoǵamynyń prezıdenti. 2003 jyldyń qyrkúıek aıynan 2004 jyldyń jeltoqsan aıyna deıin «Zań» aksıonerlik kompanıasynyń prezıdenti.
2004 jyldyń jeltoqsan aıynan Qazaqstan Respýblıkasy Prezıdenti Baspasóz qyzmetiniń jetekshisi. 2008 jyldyń qazan aıynan QR Mádenıet jáne aqparat mınıstrligi Aqparat jáne muraǵat komıtetiniń tóraǵasy. 2008 jyldyń jeltoqsan aıynan QR Mádenıet jáne aqparat vıse-mınıstri. 2009 jyldyń maýsym aıynan 2011 jyldyń qazan aıynda deıin Qazaqstan Respýblıkasy Prezıdentiniń Baspasóz hatshysy. 2011 jyldyń qazan aıynda Memleket basshysynyń Jarlyǵymen Qazaqstan Respýblıkasy Prezıdenti Ákimshiligi Basshysynyń orynbasary bolyp taǵaıyndaldy.
«Qurmet», «Parasat» ordenderimen, medaldarmen, Qazaqstan Respýblıkasy Prezıdentiniń Alǵys gramotasymen marapattalǵan, QR UǴA jas ǵalymdar syılyǵynyń laýreaty.
Qazaqstandyq jáne sheteldik basylymdarda jarıalanǵan 4 ǵylymı monografıanyń, 150 den astam ǵylymı jáne pýblısısıkalyq maqalanyń, sonymen qatar birqatar kórkem áńgimelerdiń avtory. Kóptegen televızıalyq jobalardyń, derekti fılmderdiń jetekshisi, senarıleriniń avtory.
