بۇل تۋرالى استاناداعى سەنىمدى دەرەككوزدەرگە سىلتەمە جاساپ سەنترازيا پورتالى حابارلاپ وتىر.
اتالعان اقپارات ءازىر رەسمي راستالعان جوق.
ماقالادا «سەنترازيا» مايلىبايەۆتىڭ قاماۋعا الىنۋىنىڭ بىرنەشە سەبەبىن اتاپ كورسەتكەن. العاشقىسى اقشا ۇرلاۋ. مايلىبايەۆ ساياسي جانە تاريحي زەرتتەۋلەرگە دەپ بولىنگەن 1،3 ملرد. تەڭگەنى جەپ قويعان. تاعى ءبىر سەبەپ ەكس-مينيستر قۋاندىق بيشىمبايەۆتىڭ ىسىمەن بايلانىستى. بيشىمبايەۆ «بايتەرەك» حولدينگىندەگى قارجى قىمقىرۋ داۋىنا بايلانىستى تۇتقىندالعان-تۇعىن.
ال نازاربايەۆ باعلان مايلىبايەۆتى پرەزيدەنت اكىمشىلىگى باسشىسىنىڭ ورىنباسارى قىزمەتىنەن كۇنى كەشە عانا بوساتقان ەدى.
باعلان اساۋباي ۇلى مايلىبايەۆ. ءومىربايان
باعلان اساۋباي ۇلى مايلىبايەۆ 1975 جىلى 20 مامىردا جامبىل وبلىسىندا دۇنيەگە كەلگەن. 1996 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن جۋرناليست ماماندىعى بويىنشا بىتىرگەن. 1998 جىلى رەسەي فەدەراسياسى پرەزيدەنتىنىڭ جانىنداعى رەسەي مەملەكەتتىك قىزمەت اكادەمياسىنىڭ ساياساتتانۋ جانە ساياسي باسقارۋ كافەدراسىنىڭ اسپيرانتۋراسىن بىتىرگەن. مەملەكەت قايراتكەرى، زاڭ عىلىمىنىڭ دوكتورى.
1998 جىلدان 2002 جىلعا دەيىن – قازاقستان رەسپۋبليكاسى ۇلتتىق عىلىم اكادەمياسىنىڭ مەملەكەت جانە قۇقىق ينستيتۋتىنىڭ اعا عىلىمي قىزمەتكەرى، ابىلاي حان اتىنداعى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىنىڭ وقىتۋشىسى. 2002 جىلدىڭ اقپان ايىنان مامىر ايىنا دەيىن – مادەنيەت، اقپارات جانە قوعامدىق كەلىسىم مينيسترلىگى ب ا ق دەپارتامەنتىنىڭ ديرەكتورى. 2002 جىلدىڭ مامىر ايىنان 2003 جىلدىڭ قىركۇيەك ايىنا دەيىن «كازاحستانسكايا پراۆدا» رەسپۋبليكالىق گازەتى» اشىق اكسيونەرلىك قوعامىنىڭ پرەزيدەنتى. 2003 جىلدىڭ قىركۇيەك ايىنان 2004 جىلدىڭ جەلتوقسان ايىنا دەيىن «زاڭ» اكسيونەرلىك كومپانياسىنىڭ پرەزيدەنتى.
2004 جىلدىڭ جەلتوقسان ايىنان قازاقستان رەسپۋبليكاسى پرەزيدەنتى باسپا ءسوز قىزمەتىنىڭ جەتەكشىسى. 2008 جىلدىڭ قازان ايىنان ق ر مادەنيەت جانە اقپارات مينيسترلىگى اقپارات جانە مۇراعات كوميتەتىنىڭ ءتوراعاسى. 2008 جىلدىڭ جەلتوقسان ايىنان ق ر مادەنيەت جانە اقپارات ۆيسە-مينيسترى. 2009 جىلدىڭ ماۋسىم ايىنان 2011 جىلدىڭ قازان ايىندا دەيىن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى. 2011 جىلدىڭ قازان ايىندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى.
«قۇرمەت»، «پاراسات» وردەندەرىمەن، مەدالدارمەن، قازاقستان رەسپۋبليكاسى پرەزيدەنتىنىڭ العىس گراموتاسىمەن ماراپاتتالعان، ق ر ۇعا جاس عالىمدار سىيلىعىنىڭ لاۋرەاتى.
قازاقستاندىق جانە شەتەلدىك باسىلىمداردا جاريالانعان 4 عىلىمي مونوگرافيانىڭ، 150 دەن استام عىلىمي جانە پۋبليسيستيكالىق ماقالانىڭ، سونىمەن قاتار ءبىرقاتار كوركەم اڭگىمەلەردىڭ اۆتورى. كوپتەگەن تەليەۆيزيالىق جوبالاردىڭ، دەرەكتى فيلمدەردىڭ جەتەكشىسى، سەنارييلەرىنىڭ اۆتورى.
