Alǵash bolyp sóz alǵan Álimjan Seiitjanuly bul Joldaýdyń erekshelikterine toqtalyp, el igiligine baǵyttalǵan negizgi basymdyqtaryn tilge tiek etti.
Jýsansai aýylynyń turǵyny Á.Qarynbaev, meditsina salasynyń ardageri, aýdannyń Qurmetti azamaty I.Orazbaev, aýdandyq Jastar ortalyǵynyń sektor meńgerýshisi N.Kóshbai Ordabasylyqtardyń Joldaýdy qoldaitynyn aityp, aýylsharýashylyq, meditsina, bilim salasyndaǵy oryn alatyn oń ózgerister men jastarǵa degen erekshe qamqorlyqqa rizashylyqtaryn jetkizdi. Eńbek ardageri Á.Bekjanov jańadan qurylǵan Túrkistan oblysynyń jáne megapolis ataǵyn ielengen Shymkent qalasynyń damýyna qatysty qandai josparlar baryn surasa, Á.Qoishybaev senatorlardan jaiylym máselesin nazardan shyǵarmaýdy ótindi. Sondai-aq, Badam aýyl okrýgi ákiminiń orynbasary B.Aqynov zeinetaqy qoryndaǵy qarjyny úlestirý tártibi qaita qaralsa degen usynysyn jetkizdi. "Káýsar" gimnaziiasynyń muǵalimi A.Tumanova "7-20-25" baǵdarlamasynyń tiimdiligi jóninde tereńirek túsinik berýdi, aýyldaǵy muǵalimniń qaladan baspana alý múmkindigi qai deńgeide ekenin surady.
Aýdan ákiminiń mindetin ýaqytsha atqarýshy Ǵ.Úsenbaev Senat májilisiniń depýtattaryna ordabasylyqtardyń atynan alǵysyn jetkizip, jiyndy qorytyndylady.
