بۇگىن ق ر پارلامەنتى سەناتىنىڭ دەپۋتاتتارى ا.بەيسەنبايەۆ، ءا.بەكتايەۆ جانە ءا.قۇرتايەۆ ورداباسى اۋدانىنا ات باسىن بۇرىپ، ەلباسى ن.نازاربايەۆتىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ" جولداۋىن ناسيحاتتاۋ ماقساتىندا القالى جيىن وتكىزدى.

العاش بولىپ ءسوز العان ءالىمجان سەيىتجان ۇلى بۇل جولداۋدىڭ ەرەكشەلىكتەرىنە توقتالىپ، ەل يگىلىگىنە باعىتتالعان نەگىزگى باسىمدىقتارىن تىلگە تيەك ەتتى.

جۋسانساي اۋىلىنىڭ تۇرعىنى ءا.قارىنبايەۆ، مەديسينا سالاسىنىڭ ارداگەرى، اۋداننىڭ قۇرمەتتى ازاماتى ي.ورازبايەۆ، اۋداندىق جاستار ورتالىعىنىڭ سەكتور مەڭگەرۋشىسى ن.كوشباي ورداباسىلىقتاردىڭ جولداۋدى قولدايتىنىن ايتىپ، اۋىلشارۋاشىلىق، مەديسينا، ءبىلىم سالاسىنداعى ورىن الاتىن وڭ وزگەرىستەر مەن جاستارعا دەگەن ەرەكشە قامقورلىققا ريزاشىلىقتارىن جەتكىزدى. ەڭبەك ارداگەرى ءا.بەكجانوۆ جاڭادان قۇرىلعان تۇركىستان وبلىسىنىڭ جانە مەگاپوليس اتاعىن يەلەنگەن شىمكەنت قالاسىنىڭ دامۋىنا قاتىستى قانداي جوسپارلار بارىن سۇراسا، ءا.قويشىبايەۆ سەناتورلاردان جايىلىم ماسەلەسىن نازاردان شىعارماۋدى ءوتىندى. سونداي-اق، بادام اۋىل وكرۋگى اكىمىنىڭ ورىنباسارى ب.اقىنوۆ زەينەتاقى قورىنداعى قارجىنى ۇلەستىرۋ ءتارتىبى قايتا قارالسا دەگەن ۇسىنىسىن جەتكىزدى. "كاۋسار" گيمنازياسىنىڭ ءمۇعالىمى ا.تۇمانوۆا "7-20-25" باعدارلاماسىنىڭ تيىمدىلىگى جونىندە تەرەڭىرەك تۇسىنىك بەرۋدى، اۋىلداعى ءمۇعالىمنىڭ قالادان باسپانا الۋ مۇمكىندىگى قاي دەڭگەيدە ەكەنىن سۇرادى.

تۇرعىنداردىڭ سۇراقتارىنا تياناقتى جاۋاپ بەرگەن حالىق قالاۋلىلارى جولداۋ جۇكتەگەن مىندەتتەردى ورىنداۋدا ءار ازاماتتىڭ ۇلەسى بولۋى كەرەكتىگىن اتاپ ءوتتى.

اۋدان اكىمىنىڭ مىندەتىن ۋاقىتشا اتقارۋشى ع.ۇسەنبايەۆ سەنات ءماجىلىسىنىڭ دەپۋتاتتارىنا ورداباسىلىقتاردىڭ اتىنان العىسىن جەتكىزىپ، جيىندى قورىتىندىلادى.