Kókshetaýda 8 qazanda joǵalyp ketken tórt jasar balany izdeý jumystary qaiǵyly aiaqtaldy. Bala ashyq qudyqtan óli tabyldy, dep habarlaidy dalanews.kz.
Tórt jasar bala sol kúni Kókshetaýdaǵy Áshimov kóshesi, 223 mekenjaiynan shyǵyp ketip, keiin habar-osharsyz ketken.
Izdeý jumystaryna Aqmola oblysynyń Tótenshe jaǵdailar departamenti men politsiia qyzmetkerleri jumyldyrylǵan.
Izdestirý barysynda balanyń denesi ashyq qudyqtan tabylǵan.
Aqmola oblystyq Politsiia departamentiniń málimetinshe, aldyn ala tekserý kezinde balanyń denesinen zorlyq-zombylyq belgileri anyqtalmaǵan.
"8 qazan 2026 jyly kezekshi bólimge Kókshetaý qalasynda kámeletke tolmaǵan balanyń joǵalǵany týraly habarlama kelip tústi. Izdeý jumystaryna TJD jáne politsiia kúshteri jumyldyryldy. Izdestirý barysynda bala ashyq qudyqtan tabyldy. Aldyn ala málimet boiynsha, zorlyq-zombylyq belgileri anyqtalǵan joq", – dep habarlady politsiia.
Oqiǵaǵa bailanysty qylmystyq is qozǵaldy.
Qazir politsiia balanyń qudyqqa qalai túskenin jáne qaiǵyly jaǵdaidyń barlyq mán-jaiyn anyqtap jatyr.
