Kezdesýde quqyq qorǵaý organdaryn júieli reformalaý boiynsha júrgizilip jatqan jumys máseleleri talqylanyp, qylmystyq protsestiń úsh býyndy modeli jaǵdaiynda jańa formattaǵy kadrlardy daiarlaý baǵyttary jóninde keleli áńgime qozǵaldy.
Konstitýtsiialyq zańnama, sot júiesi jáne quqyq qorǵaý organdary komitetiniń tóraǵasy V.Volkov politsiia qyzmetin jetildirý boiynsha júrgizilip jatqan reformalaýdyń mańyzdylyǵyna toqtalyp, politsiia kadrlarynyń barlyq sanattaryn sapaly jańa deńgeide daiyndaýǵa erekshe nazar aýdarý kerektigin atap ótti.
Konstitýtsiialyq zańnama, sot júiesi jáne quqyq qorǵaý organdary komitetiniń músheleri Sáýle Muhanbedianqyzy Aitpaeva men Sultanbek Almasbekuly Mákejanov IIM Almaty akademiiasynyń IIO qyzmetkerlerin daiarlaýdyń praktikaǵa baǵdarlanǵan baǵdarlamalaryn engizý men qylmysqa qarsy is-qimyl salasyndaǵy ózekti baǵyttardy eskere otyryp, oqý baǵdarlamalaryn jobalaý, onyń ishinde qylmystyq sot isin júrgizýdiń úsh býyndy modeline kóshý sheńberinde azamattardyń quqyqtaryn qorǵaýdy kúsheitý kerektigin jetkizdi. Akademiiaǵa kelgen halyq qalaýlylaryna Politsiianyń servistik modelin, kiberqaýipsizdikti, IT-tehnologiialar, turmystyq zorlyq-zombylyq jáne kámeletke tolmaǵandardyń quqyqtaryn qorǵaý salasyndaǵy atqarylyp jatqan jumystar kórsetildi.
